Otẹrọnọ ọmaha o rovie ẹthẹ na, ma vẹ vuẹe nọ ma gwọlọ lele ọsẹgboni riẹ ta ẹme. Onana u dhesẹ nọ ma wo adhẹẹ kẹ ọsẹgboni na. (Itẹ 6:20) Nọ ọmọ na ọ tẹ vuẹ omai nọ ma rueva, ma rueva ha. Nọ ọsẹgboni na a gbẹ rrọ uwou hu, ma ve zihe ze oke ofa.

Ọ tẹ rrọ ọmọ nọ ọ dina kpako no, hayo o bi te uzoge no, ma rẹ gbẹ nọ onọ ọsẹgboni riẹ ghele. A gbẹ riẹ hẹ, ma rẹ sae nọe sọ ọsẹgboni riẹ a kẹ riẹ uvẹ nọ ọye ọvo ọ sae salọ oghẹrẹ obe nọ o re se. O tẹ rrọ ere, ma sae kẹe ebe mai hayo dhesẹ jw.org kẹe.

Nọ ma te zihe bru uzoge nọ o dhesẹ isiuru, ma rẹ vuẹe nọ ma gwọlọ ruẹ ọsẹgboni riẹ. Onana u re fiobọhọ kẹ omai ta oware nọ o wọ omai ze je dhesẹ epanọ ehrẹ nọ e rrọ Ebaibol na i woma te gbe epanọ e sai ro fiobọhọ kẹ iviuwou. (Ol 119:86, 138) Nọ ma te dhesẹ adhẹẹ gbe ororokẹ kẹ ọsẹgboni na, u re se emamọ isẹri je rovie uvẹ fihọ nọ ma rẹ rọ ta usiuwoma kẹ uviuwou na.—1Pi 2:12.