Ohwo ọvo nọ ọ rẹ jọ ọkora ẹsejọ họ ọ rrọ họ. Ma tẹ rrọ ọkora orọnikọ oyena o nwani dhesẹ hẹ inọ ma gbe fi ẹrọwọ họ Jihova ha. Uzẹme riẹ họ, Jihova ọ tubẹ ta nọ oware o rẹ kẹ ọyomariẹ uye ẹsejọ. (Emu 6:5, 6) Kọ otẹrọnọ ọkora ọ rẹ da omai oma fia ẹsibuobu, hayo ẹsikpobi dede, eme ma rẹ sai ru?

Lẹ se Jihova re o fiobọhọ kẹ owhẹ. Jihova ọ gwọlọ riẹ epanọ eware e rrọ kẹ omai ẹsikpobi. Ọ rẹ riẹ oke nọ eva e be were omai gbe oke nọ oware jọ o be kẹ omai uye. Ọ riẹ oware nọ o soriẹ ze nọ ma ro wo oghẹrẹ iroro jọ je bi rri eware oghẹrẹ nọ ma bi rri rai na. (Ol 7:9b) Oware nọ u fo nọ ma rẹ mae kareghẹhọ họ, Jihova o you omai, yọ ọ rẹ sai fiobọhọ kẹ omai nọ oware jọ o tẹ be kẹ omai uye, hayo nọ ma tẹ rrọ ọkora dede.—Ol 34:18.

Hai ru eware nọ e rẹ whaha ọkora. Nọ udu u te whrehe omai, o sai ru nọ ma gbẹ rọ wereva ha, o sae jẹ raha usu nọ ma wo kugbe Jihova. Oyejabọ nọ u ro fo re ma sẹro udu mai, koyehọ ma rẹ yọroma kpahe oghẹrẹ eware nọ ma bi roro gbe oghẹrẹ ohwo nọ ma rrọ evaọ obeva.—Itẹ 4:23.

WHA RRI IVIDIO NA EPANỌ INIEVO MAI A BE SAI RO WO UDHEDHẸ GHELỌ ỌKORA, KẸSENA WHA VẸ KIYO ENỌ NANA:

• Nọ Nikki ọ jọ ọkora, eware vẹ o ru kẹ omobọ riẹ nọ i fiobọhọ kẹe?

  Uyo ra

• Ẹvẹ Nikki ọ rọ riẹ nọ u fo re o kpobọ ọspito?—Mt 9:12

  Uyo ra

• Eme gbe eme Nikki o ru nọ u dhesẹ nọ o fievahọ Jihova inọ o ti fiobọhọ kẹe?

  Uyo ra