Ahwo buobu a gbe fievahọ ahwo nọ a rrọ ọkwa ha. Kọ ẹvẹ o gbẹ jọ ere he na? No otọ avọ otọ ze, ahwo nọ a rrọ ọkwa a bi kienyẹ ahwo, jẹ rọ ọkwa rai si fihọ ẹkpa rai ọvo. (Mae 7:3) Eva e be were omai gaga inọ ekpako nọ e rrọ ukoko Jihova e rrọ ere he, a wuhrẹ i rai re a ru eware nọ e rẹ wha ewoma se idibo Jihova.—Ẹst 10:3; Mt 20:25, 26.

Ekpako na a wo ohẹriẹ gaga no ahwo nọ a wo ekwa evaọ akpọ na, uyoyou nọ a wo kẹ Jihova gbe ahwo riẹ oye o be lẹliẹ ae te kẹ ewha-iruo evaọ ukoko na. (Jọ 21:16; 1Pi 5:1-3) Jesu nọ o wuzou ukoko na ọye ọ be kpọ ekpako na re a fiobọhọ kẹ owhowho-uvie kpobi riẹ nọ ọ rrọ ghaghae evaọ ukoko na, a ve je fiobọhọ kẹ ae wo emamọ usu kugbe Jihova. Ekpako ukoko na a rẹ dhogbo bru inievo na ababọ oke oraha, nọ oniọvo jọ ọ tẹ gwọlọ uduotahawọ, nọ oniọvo jọ o te kie okpẹyao nọ o jọ gwọlọ nọ o re kpobọ ọspito, hayo nọ oware okpẹtu jọ o tẹ via. Whọ tẹ gwọlọ nọ a fiobọhọ kẹ owhẹ, ta kẹ ọkpako jọ evaọ ukoko ra.—Jem 5:14.

WHA RRI IVIDIO NA ESẸRO NỌ E BE RẸROTE UTHURU NA, KẸSENA WHA VẸ KIYO ENỌ NANA:

• Oghẹrẹ vẹ ekpako na a ro fiobọhọ kẹ Mariana?

  Uyo ra

• Oghẹrẹ vẹ ekpako na a ro fiobọhọ kẹ Elias?

  Uyo ra

• Ẹvẹ iku inievo nana e be lẹliẹ owhẹ rri iruo nọ ekpako na a bi ru?

  Uyo ra