Eme Uvie Ọghẹnẹ U ti Ru?

KPORO

Uyo nọ Ebaibol na ọ kẹ

Uvie Ọghẹnẹ u ti si ivie akpọ na kpobi no, u ve ti su akpọ na kpobi. (Daniẹl 2:44; Eviavia 16:14) Nọ u te ru oyena no, Uvie Ọghẹnẹ u ve ti . . .

Si ahwo omuomu no, enọ uruemu uyoma rai o be wha ebẹbẹ se omai kpobi na. “A re ti kpe ahwo omuomu no otọ na.”—Itẹ 2:22.
Si ẹmọ kpobi no otọ. “[Ọghẹnẹ o bi] ru akpọ na kpobi nọ ẹmo o je serihọ ri te oka akpọ.”—Olezi 46:9.
O te wha udhedhẹ avọ ufuoma ziọ akpọ na. “Ohwo kpobi ọ rẹ te keria otọ ekakọ gbe otọ ure fig riẹ, ozọ ohwo ọvo u gbe ti mu ai hi.”—Maeka 4:4.
U ti ru akpọ na zihe ruọ aparadase. “Enọ e rọ igbrẹwọ gbe etọ eyaya a rẹ te ghọghọ, e rọ idhude e rẹte ghọghọ avọ idodo.”—Aizaya 35:1.
O te kẹ ohwo kpobi uvi iruo nọ a ti ru avọ evawere. “Esanọ [Ọghẹnẹ] a rẹ te re erere iruo abọ rai krẹkri. Iruo rai i gbe ti vrẹ hẹ.”—Aizaya 65:21-23.
U ti si ẹyao no otọ. “Ohwo ọvo nọ ọ be ria eva riẹ nọ ọ rẹte ta no, ‘Mẹ be mọ’, ọ rọ họ.”—Aizaya 33:24.
U ti si owho no. “Jọ oma riẹ uzihe ruọ oboba wọhọ oma ọmaha, re o zihe ruọ ọmoha avọ ogaga epaọ oke ọsosuọ riẹ.”—Job 33:25.
O te kpare enọ i whu no ziọ uzuazọ. “Oke o be tha nọ enọ e rọ eva [uki] kpobi i je ti yo uru [Jesu], a vẹ te nya via.”—Jọn 5:28, 29.