Ọghẹnẹ o je izi nọ e rẹ kpọ orọo no taure egọmeti ahwo-akpọ a te ti muọ izi itieye họ efihọ. Obe ọsosuọ Ebaibol na o ta nọ: “Ọzae ọ rẹ se ọsẹ gbe oni riẹ ba, ọ vẹ gbalọ aye riẹ, a vẹ jọ uwo ovo.” (Emuhọ 2:24) Obe na Vine’s Expository Dictionary of Biblical Words o ta nọ ẹme Hibru nọ a fa “aye” na “u dhesẹ ohwo nọ ọ rrọ ọzae he.” Jesu o dhesẹ vevẹ nọ “ọzae gbe aye” a rẹ ruọ orọo.—Matiu 19:4.

 Fikiere, Ọghẹnẹ ọ gwọlọ nọ ọzae avọ aye nọ e rọo a rẹ jọ kugbe ribri. Ọghẹnẹ ọ ma ọzae avọ aye evaọ edhere nọ a re ro ru ọvuọ ẹkabọ riẹ evaọ abọ owezẹ, re aimava a sai je yẹ emọ.