Orọnikọ emamọ ohwo gheghe Jesu ọ jọ họ. Ọye họ ohwo nọ uzuazọ riẹ o mai kpomahọ amọfa evaọ usu ahwo nọ a rria akpọ na no. Muẹrohọ ẹme nọ igbiku gbe ikere-ebe nọ a riodẹ a ta kpahe Jesu:

 “Jesu ohwo Nazarẹt na ... họ ohwo nọ a mae riẹ evaọ ikuigbe ohwo-akpọ.”—H. G. Wells, ogbiku obọ England.

 “Jesu họ ohwo nọ ọ mae wha ewoma se ahwo-akpọ no yọ uzuazọ riẹ o gbẹ be wha ewoma se ahwo rite inẹnẹ.”—Kenneth Scott Latourette, ogbiku gbe okere-ebe obọ America.

 Ebaibol na ọ fodẹ oware nọ uzuazọ Jesu u ro kpomahọ ahwo tere na, tube vi ahwo owoma efa kpobi nọ e rria akpọ na no. Nọ Jesu ọ nọ ilele riẹ kpahe oghẹrẹ ohwo nọ a roro nọ ọ rrọ, omọvo rai jọ ọ tẹ ta gbagba nọ: “Whẹ họ Kristi na, Ọmọ Ọghẹnẹ uzuazọ.”—Matiu 16:16.