Me Wo Isiuru Kpahe Ọmọzae Hayo Ọmọtẹ Ibe Mẹ—Kọ Onana U Dhesẹ nọ Me Wo Uruemu Ezae nọ I re Lele Ezae Wezẹ?
Vievie.
Uzẹme na họ: Ẹsibuobu, isiuru kpahe ọmọzae hayo ọmọtẹ ibe ohwo i re lehie he.
Ere ọmọtẹ jọ nọ ọ rrọ ikpe 16 nọ a re se Lisette o vuhumu, ọnọ o wo isiuru kpahe ọmọtẹ ibe riẹ evaọ oke jọ. Ọ ta nọ: “Oke nọ ma je wuhrẹ kpahe epanọ ugboma ohwo o rrọ evaọ isukulu, a wuhrẹ omai nọ, nọ ohwo ọ tẹ kpako te ikpe ikpegbọ no, isiuru owezẹ i re kpotọ kpehru. U mu omẹ ẹro nọ otẹrọnọ izoge a riẹ kpahe oghẹrẹ nọ ugboma rai na o rrọ, a te riẹ nọ isiuru nọ ohwo o re wo kpahe ọmọzae hayo ọmọtẹ ibe rai i re lehie he yọ onana u dhesẹ nọ ohwo na o wo uruemu ezae nọ i re lele ezae wezẹ hẹ.”
Uzoge kpobi ọ rẹ salọ sọ o re lele uruemu ugbegbe akpọ nana hayo o re koko izi Ọghẹnẹ nọ e rrọ Ebaibol na
Kọ ẹvẹ otẹrọnọ isiuru nọ who wo kpahe ọmọzae hayo ọmọtẹ ibe ra e be rọwo no owhẹ udu hu? Kọ Ọghẹnẹ ọ rrọ eva gaga nọ ọ rọ ta nọ makọ ohwo nọ o wo isiuru kpahe ọmọzae hayo ọmọtẹ ibe riẹ ọ rẹ whaha uruemu ezae nọ i re lele ezae wezẹ?
Otẹrọnọ Ee who yo kẹ onọ urere na, riẹ nọ iroro itieye na e rọwo kugbe iroro ethọthọ nọ ahwo a wo inọ ohwo o re ru lele oghẹrẹ isiuru owezẹ kpobi nọ o wo. Ebaibol na o bru ọghọ họ ahwo-akpọ oma nọ ọ rọ ta vevẹ inọ orọnikọ ekpehre isiuru owezẹ kpobi nọ ohwo o wo o re ru lele he.—Ahwo Kọlọsi 3:5.
Areghẹ ọ rrọ ohrẹ Ebaibol nana. Uzi Ebaibol ovona o rrọ rọkẹ ahwo nọ a wo isiuru kpahe ọmọzae hayo ọmọtẹ ibe rai, gbe isiuru owezẹ nọ e rẹ jọ udevie emetẹ avọ emezae inọ a “si oma rai no egbegbe” koyehọ ọfariẹ-ogbe. (1 Ahwo Kọrint 6:18) Uzẹme na họ, emetẹ gbe emezae buobu nọ i wo isiuru owezẹ nọ e gwọlọ ru lele izi Ebaibol a bi siomano ọfariẹ-ogbe dede nọ edawọ i bi te ai. Otu nọ i wo isiuru owezẹ kpahe emezae hayo emetẹ ibe rai a rẹ sai ru epọvo na re otẹrọnọ a gwọlọ ru Ọghẹnẹ eva were.—Iziewariẹ 30:19.
Enana E Sae jẹ Were Owhẹ
ENỌ NỌ EBAIBOL Ọ KẸ IYO RAI
Kọ Ebaibol na Ọ Ta Kpahe Ezae nọ E rẹ Rọo Ezae Hayo Eyae nọ E rẹ Rọo Eyae?
Ọghẹnẹ nọ ọ tuọ orọo họ na ọ riẹ epanọ imava orọo a rẹ rọ wereva je ru orọo rai tọ.
ENỌ IZOGE NA
Kọ O Thọ re Ọzae O Lele Ọzae Wezẹ Hayo re Aye O Lele Aye Wezẹ?
Kọ Ebaibol na o wuhrẹ nọ ezae nọ i re lele ezae wezẹ gbe eyae nọ i re lele eyae wezẹ yọ ikpehre ahwo? Kọ Oleleikristi nọ ọ rẹ gwọlọ lele ọzae hayo aye ibe riẹ wezẹ ọ sai ru oware nọ o rẹ were Ọghẹnẹ?
EBE NỌ IZOGE A RE KERE EME FIHỌ
Ta Oware nọ Whọ Rọwo Kpahe Ezae nọ I re Lele Ezae Wezẹ
O rẹ jọ bẹbẹ re whọ ta kpahe uzoẹme nana. Ẹwẹ-obe nana o ti fiobọhọ kẹ owhẹ riẹ oghẹrẹ nọ whọ sae rọ rọ areghẹ ta oware nọ whọ rọwo kpahe ezae nọ i re lele ezae wezẹ.
ENỌ IZOGE NA
Epanọ Whọ Sae rọ Ta Oware nọ Whọ Rọwo Kpahe Owezẹ Ọzae-avọ-Aye
A tẹ nọ owhẹ nọ: ‘Whọ gbẹ rrọ ọmọtẹ-kọkọ?’ kọ whọ sae ta oware nọ whọ rọwo kpahe owezẹ ọzae-avọ-aye no Ebaibol ze?
