Tsehaye Tesfamariam o whu evaọ ẹwho Asmara evaọ Akpegbọvo 30, 2016. A siobọnoi no uwou-odi evaọ Azie 10, 2015, fikinọ ọ jẹ mọ gaga yọ a jẹ rẹrotei ziezi hi evaọ uwou-odi na. A yẹ riẹ evaọ 1941 evaọ Nefasit, Eritrea, o wo aye evaọ ukpe 1973, yọ odẹ aye riẹ Hagosa Kebreab. A yẹ emetẹ ene gbe emezae esa, yọ ọ họ-ame evaọ ukpe 1958.

A fi Tesfamariam họ uwou-odi gheghe gheghe evaọ Meitir Camp evaọ Ọvo 2009. Evaọ Akpe 5, 2011, a fi Tesfamariam avọ ezae Isẹri Jihova 24 efa nọ e rrọ Meitir Camp họ uwou-odi nọ a rọ eyọno bọ nọ a tọ abọvo riẹ họ otọ re a jọ etẹe reoja bẹsenọ Aria 2012 o ro te. A jọ etẹe thihakọ ẹrrorro ọgaga ezi uvo, yọ a jẹ kẹ ae emu gbe ame ziezi hi, o tẹ whae ze nọ a ro muhọ ẹmọ gaga.

Fiki oja-oriọ na, Misghina Gebretinsae avọ Yohannes Haile a whu evaọ uwou-odi Meitir, yọ Kahssay Mekonnen avọ Goitom Gebrekristos a whu nọ a siobono ai no. Tesfamariam o whu re.