No ẹdẹ avọ 24 rite 26 ọrọ amara Akpegbivẹ 2021, ikpisoi nọ e rrọ i ru nọ ame o ro ku ubrotọ Bahia evaọ Brazil, yọ ọ raha eware ahwo nọ a bu vi idu egba ezeza gbe udhuvẹ (640,000). Ame na u ru nọ edamo sa-sa i ro kporo, yọ onana o lẹliẹ ame ku ikpewho buobu.

• Oniọvo mai ọvuọvo ọ nwoma ha

• Iwhowho-uvie egba ivẹ gbe udhosa gbe ikpegbesa (273) ae a kwa no iwou rai

• Iwhowho-uvie udhusoi-gbizii (109) ae iwou rai e raha omojọ

• Egwa Uvie esa e raha omojọ

• A rehọ Ogbẹgwae Ogbodhẹ ro mu nọ o rẹ kẹ inievo na emu, ame, gbe iwu

• Inievo nọ e kwa no iwou rai a bi lele imoni rai hayo iwhowho-uvie efa rria evaọ omoke jọ

• Inievo kpobi nọ i bi ru iruo ogbodhẹ na a bi lele izi nọ a fihọ kpahe ẹyao COVID-19 na

Oniọvo-ọmọzae nọ a re se Marcelo Ambrósio, nọ ọ rrọ utu ogbodhẹ na ọ ta nọ: “Oghẹrẹ nọ inievo na a bi ro dhesẹ uyoyou kẹ ohwohwo o be tuduhọ omai awọ gaga, yọ onana u ru nọ ma rọ gbaemu nọ ma re kru oma ga ziezi evaọ egagọ Jihova.”

Ma riẹ nọ Jihova ọ te gbẹ jọ “oria adhẹzọ” kẹ inievo mai nọ ame ọ raha eware rai na.​—Olezi 9:9.