AKPEGBIVẸ 28, 2020
BRAZIL
Owhe gbe Ugbehru nọ U Bru Zurie Fihọ Otọ E Raha Eware Gaga Evaọ Santa Catarina, Brazil
Oria
Ubrotọ Vale do Itajaí evaọ Santa Catarina evaọ ofẹ obọze ovatha-ọre Brazil
Oware okpẹtu
Ikpiso egaga nọ i muhọ ẹrrọ evaọ Edene-Oka, Akpegbivẹ 17, 2020, e raha eware gaga jẹ ru nọ igbehru i ro bru zurie fiho otọ
Epanọ o kpomahọ inievo mai te
Iwhowho-uvie 22 e dhẹ no iwou rai
O da omai gaga inọ oniọvo-ọmọtẹ jọ nọ ọ kpako te ikpe 65 no o whu nọ ọloho o su uwou riẹ vrẹ
Eware nọ e raha
Iwou 15 e dina raha
Ogbo nọ a dhẹ
Inievo nọ e rrọ Ogbẹgwae Obufihọ kẹ Ahwo nọ Eware Okpẹtu E Via Kẹ (DRC), esẹro okogho, gbe ekpako ukoko a bi fiobọhọ kẹ inievo nọ e rrọ eria nọ okpẹtu na o jọ via na jẹ be tuduhọ aikpobi awọ, te ahwo uviuwou oniọvo-ọmọtẹ mai nọ o whu na
Inievo nọ e rrọ Ogbẹgwae Obufihọ kẹ Ahwo nọ Eware Okpẹtu E Via Kẹ na a rọ inievo-emezae nọ e rrọ okogho nọ oware okpẹtu na o jọ via na mu re a nya kpohọ ewho sa-sa nọ oware na o jọ via na, re a nọ inievo na eware nọ a gwọlọ je fiobọhọ kẹ ae whrẹ ọloho no iwou rai no. Inievo nọ e rrọ Ogbẹgwae na a te je ru ọruẹrẹfihotọ re a rehọ ame nọ o bu vi ilita egba ivẹ (2,000) gbe emu nọ a rẹ re se inievo na. Inievo na a bi lele ekpọvio nọ egọmeti ọ kẹ kpahe ẹyao COVID-19 na
O da omai gaga inọ oniọvo-ọmọtẹ mai jọ o whu fiki oware okpẹtu nana nọ o via na. Ma bi rẹro okenọ eware okpẹtu gbe “uwhu o gbẹ te jọ ofa ha.”—Eviavia 21:4.
Enana E Sae jẹ Were Owhẹ
ENỌ NỌ AHWO A RẸ NỌ KẸSE KẸSE
Kọ Isẹri Jihova A re Fiobọhọ kẹ Ahwo nọ Eware Okpẹtu E Via Kẹ?
Se kpahe epanọ ma re ro fiobọhọ kẹ Isẹri Jihova nọ eware okpẹtu e via kẹ gbe ahwo nọ a rrọ Isẹri Jihova ha.