AHRẸ 18, 2019
BRAZIL

São Paulo, Brazil—Okokohọ Akpọ-Soso 2019 “Uyoyou O rẹ Jọ Bẹdẹ”!

KPORO

Ẹdẹ nọ A Ru Rie: Ahrẹ 12-14, 2019
Oria nọ A Jọ Ru Ei: São Paulo Expo evaọ São Paulo, Brazil
Evẹrẹ nọ A ro Ru Okokohọ Na: Brazilian Sign Language, English, French, Italian, Portuguese, Spanish
Unu Ahwo nọ A Ziọ Okokohọ Na: 36,624
Unu Ahwo nọ A Họ-Ame: 291
Unu Ahwo nọ I No Erẹwho Efa Ziọ Okokohọ Na: 7,000
Iwou Ogha nọ A Zizie: Angola, Argentina, Belgium, Czech-Slovak, France, Italy, Mozambique, Portugal, Scandinavia, Suriname, Trinidad and Tobago, United States, Venezuela
Eme nọ Ahwo Jọ A Ta: Aye jọ nọ a re se Maria Luiza Gonçalves, nọ o wuzou ẹko-iruo nọ i re dede ahwo rehọ evaọ São Paulo Zoo, ọ ta nọ: “Ahwo a rẹ nyaziọ etenẹ ti rri ughe gaga. Kukpe kukpe ahwo a rẹ nyaze, rekọ mẹ re ruẹ ahwo nọ a bu te enẹ nọ a rrọ kpatiẹ jẹ rrọ whẹtiẹ whẹtiẹ hẹ. Wha you ohwohwo gaga! Ma be ruẹ uyoyou nọ wha wo kẹ ohwohwo evaọ oghẹrẹ nọ wha bi ro yerikugbe ohwohwo gbe ile nọ wha be so.”

Inievo-emezae gbe erọ emetẹ nọ e rrọ ẹwho na nọ a bi dede inievo nọ i no erẹwho efa ziọ okokohọ na rehọ evaọ oria nọ irupre e rẹ kpahe

Inievo-emezae nọ i no São Paulo gbe uwou ogha Brazil ze nọ a be vuẹ ahwo nọ a rẹ niyẹrẹ kpahe okokohọ akpọ-soso nọ a ti ru na re a sae vuẹ ahwo orẹwho na soso