AHRẸ 26, 2019
CANADA

Toronto, Canada—Okokohọ Akpọ-Soso 2019 “Uyoyou O rẹ Jọ Bẹdẹ”!

KPORO

Ẹdẹ nọ A Ru Rie: Ahrẹ 19-21, 2019
Oria nọ A Jọ Ru Ei: Exhibition Place, Toronto, Ontario, evaọ Canada
Evẹrẹ nọ A ro Ru Okokohọ Na: English, Portuguese, Spanish
Unu Ahwo nọ A Ziọ Okokohọ Na: 46,183
Unu Ahwo nọ A Họ-Ame: 317
Unu Ahwo nọ I No Erẹwho Efa Ziọ Okokohọ Na: 5,000
Iwou Ogha nọ A Zizie: Brazil, Britain, Central America, Finland, India, Japan, Korea, Philippines, Ukraine, United States
Eme nọ Ahwo Jọ A Ta: Aye jọ na a re se Laura Purdy, nọ o wuzou ọgwa nọ a re se Exhibition Place nọ inievo mai a jo ru okokohọ na ọ ta nọ: “Oware kpobi nọ ogbẹgwae okokohọ [Isẹri Jihova] a ta nọ a ti ru, koyehọ oware kpobi nọ a ta nọ a te jọ ọgwa nọ a haya na ru, a ru rie. Ma nọ amọfa nọ Isẹri Jihova a haya oria nọ a jo ru okokohọ mi re a vuẹ omai oghẹrẹ nọ eware e jọ. Ma ruẹ nọ epanọ a riẹ ru evaọ ọgwa mai na ere a riẹ ru evaọ eria efa re.” Aye na ọ ta re inọ: “A jẹ whẹtiẹ ohwo kpobi họ oma. Mẹ sae ta nọ ohwo kpobi nọ o wo oria nọ a rẹ haya, jọ ọ haya kẹ Isẹri Jihova re a ro ru okokohọ rai.”

Inievo-emezae gbe erọ emetẹ nọ i bi dede inievo nọ i no erẹwho efa ziọ okokohọ na rehọ evaọ oria nọ irupre e re kpahe evaọ Toronto

Inievo nọ e rrọ ahwo ẹwho na gbe enọ i no erẹwho efa ziọ okokohọ na nọ a rrọ usi uwoma, yọ eva e be were ae

Inievo nọ e rrọ Ebẹtẹle nọ a bi kporo ile kẹ inievo nọ i no erẹwho efa ziọ okokohọ na nọ a kpohọ uwou ogha nọ o rrọ Canada

Brọda Geoffrey Jackson, omọvo Utu Ẹruorote na, nọ o bi ru ẹme urere Edisoi-Oka okokohọ na

Oniọvo jọ evaọ usu inievo 317 nọ e họ-ame evaọ okokohọ na evaọ Ẹdẹ-Ọmaha

Inievo-emezae gbe erọ emetẹ nọ i bi kere eme jọ fihotọ evaọ etoke okokohọ na

Imishọnare gbe inievo nọ e rrọ iruo odibọgba oke-kpobi ọrọ obọdẹ na nọ a be nya kpobọ aro ọgwa nọ a bi jo ru okokohọ na, yọ ogbotu na a be tehe abọ kẹ ae rọkẹ iruo iwoma rai

Inievo-emetẹ isoi nọ i bi dhesẹ oghẹrẹ nọ Isẹri Jihova a jẹ rọ jọ iredio whowho usi Uvie na, nọ ukpe 1920 o vrẹ no evaọ isteshọno iredio nọ a re se CKCX, nọ o jọ Toronto, evaọ Canada oke yena. Evaọ ukpe 1926, Emọ-Uwuhrẹ Ebaibol (enẹ a je se Isẹri Jihova oke yena) a jọ ikpewho ene evaọ Canada wo eria iredio obọrai; onana o lẹliẹ ahwo buobu yo usi Uvie na evaọ Canada

Oniọvo nọ ọ rrọ ohwo orẹwho na o bi su emọ nọ e be so ile kẹ inievo nọ i no erẹwho efa ziọ okokohọ na. Yọ a ru eware efa buobu rọ ghọ inievo nọ e nyaze na