No edẹ 22 rite 25 ọrọ amara Azeza, 2023, ikpiso e rrọ evaọ ewho nọ e rrọ udevie gbe ofẹ obọze ovatha-ọre Chile. Onana u ru nọ ame o ro ku eria nọ ahwo nọ a bu te oware wọhọ idu udhe (20,000) a be rria. Iwou nọ ame na ọ raha muotọ gbe enọ e raha omojọ i bu vi idu isoi (5,000). Idu ahwo buobu a gbẹ be kwa no eria nọ ame na o ku na. Ame na o kpe imava, yọ a gbẹ be gwọlọ imava bẹ.

• Oniọvo mai ọvuọvo o whu hayo nwa oma ha

• Iwhowho-uvie egba ivẹ gbe ikpegbivẹ (212) a kwa no iwou rai

• Iwou ikpegbesa e raha gaga

• Iwou ọgba gbe eree e raha omojọ

• Ọgwa Uvie hayo Ọgwa Okokohọ mai ọvuọvo ọ raha ha

• Inievo mai buobu a bi fiobọhọ ruẹrẹ iwou nọ e raha je ru ae fo

• Esẹro okogho gbe ekpako ukoko a be rọ Ẹme Ọghẹnẹ tuduhọ inievo nọ eware rai e raha awọ je bi fiobọhọ kẹ ae wo eware nọ a gwọlọ

• A rọ Egbẹgwae Ogbodhẹ ivẹ ro mu re a rẹrote iruo ogbodhẹ na

Ma lẹ re Jihova ọ gbẹ hai ru oma sasa inievo mai nọ e rrọ Chile jẹ bọ ae ga re a sai thihakọ okpẹtu na.—2 Ahwo Tẹsalonika 2:16, 17.