Ẹdẹ nọ A Ru Rie: Ahrẹ 19-21, 2019

Oria nọ A Jọ Ru Ei: Brøndby Stadium and Brøndby Hallen, Copenhagen, Denmark

Evẹrẹ nọ A ro Ru Okokohọ Na: Danish, Danish Sign Language, English, Icelandic, Norwegian Sign Language, Swedish Sign Language

Unu Ahwo nọ A Ziọ Okokohọ Na: 26,409

Unu Ahwo nọ A Họ-Ame: 141

Unu Ahwo nọ I No Erẹwho Efa Ziọ Okokohọ Na: 7,000

Iwou Ogha nọ A Zizie: Australasia, Brazil, Central America, Central Europe, Colombia, Dominican Republic, Finland, Georgia, India, Japan, Poland, United States

Eme nọ Ahwo Jọ A Ta: Christian Tidemand Andersen, nọ ọ re rẹrote eware nọ a rẹ jọ Brøndby Stadium na ru, ọ ta nọ: “Ukpe ọvo gbe emerae ezeza nọ e vrẹ ma ro mu ọruẹrẹfihotọ Okokohọ Akpọ-Soso Isẹri Jihova na họ, yọ anwọ ẹdẹ ọsosuọ nọ ma ro mu ọruẹrẹfihotọ na họ eware e be riẹ nya ziezi evaọ udevie mai. Te omai te utu Isẹri Jihova na ma be rọ adhẹẹ kẹ ohwohwo, ma tẹ jẹ riẹ ebẹbẹ nọ a sae rẹriẹ ovao dhe nọ a tẹ be ma omaa oghẹrẹ ọruẹrẹfihotọ ologbo otiọnana. Onana u ru nọ ma ro ru eware kpobi kpatiẹ. O lọhọ họ re whọ ruẹ utu ahwo nọ i re ru eware rai kpobi kpatiẹ je muẹrohotọ ziezi. Evaọ etoke nọ a je ru okokohọ na, oghẹrẹ nọ ahwo na a rọ fialoma ze je ru iruo no ohiohiẹ rite aso u re gbe owhẹ unu, yọ a je ru iruo na avọ evawere, ohwo ọvuọvo o je gu unoma ha. Eva e were omai gaga nọ ma ro ru iruo kugbe owhai, yọ ma gwọlọ yere Ogbẹgwae Okokohọ rai na gbe ahwo nọ a fialoma via ti ru iruo na kpobi. Ma bi rẹro rai ẹdẹfa evaọ Brøndby Stadium.”