AKPE 23, 2023
GREECE
Ikpiso E Lẹliẹ Ame Ku Central Greece
Evaọ Azie 2023, ofou-ọwhibo nọ o fou isiava soso u ru nọ ikpiso e rọ rrọ gaga evaọ Greece. Ofou-ọwhibo ọsosuọ nọ a se Daniel o fou ofou jẹ lẹliẹ oso rrọ gaga. Onana o wha riẹ ze nọ ame o ro ku gaga evaọ edẹ 4 rite 7, Azie, 2023.
Nọ eka esa e vrẹ no, ofou-ọwhibo ọfa nọ a se Elias o te fou jẹ lẹliẹ oso rrọ gaga. Onana o wha riẹ ze nọ ame o ro ku evaọ edẹ 26 rite 28, Azie, 2023. Evaọ okpẹwho jọ, oso nọ ọ rrọ evaọ enwenọ euwa ene ọvo, o kpehru vrẹ ubro irula. A niyẹrẹ nọ iwou ahwo, iwou eki, gbe idhere nọ e rrọ oria na e raha gaga. Ahwo nọ a bu vi idu ene gbe egba isoi (4,500) a kwa no iwou rai. Ahwo ikpegbihrẹ a whu.
Epanọ Eware Inievo Mai E Raha Te
Oniọvo mai ọvuọvo o whu hu
Oniọvo-ọmọtẹ mai jọ nọ ọ kpako no ọ nwoma
Iwhowho-uvie egba ivẹ gbe udhosa gbikpe (270) a kwa no iwou rai
Iwou ikpegbọvo e raha muotọ
Iwou udhuvẹ gbe ihrẹ e raha gaga
Iwou udhuvẹ gbe ikpegbọvo e raha omojọ
Egwa Uvie ivẹ e raha gaga
Egwa Uvie ezeza e raha omojọ
Iruo Ogbodhẹ
Esẹro okogho gbe ekpako ukoko nọ e rrọ oria nọ oware na o jọ via na a be rọ Ẹme Ọghẹnẹ tuduhọ inievo na awọ je fiobọhọ kẹ ae
A rehọ Egbẹgwae Ogbodhẹ ivẹ mu re a rẹrote iruo ogbodhẹ na
Ma be lẹ roro inievo mai nọ ame o ku eware rai evaọ Greece na. Ma bi rẹro okenọ Jihova nọ ọ keria “ehru ame owhe obuobu na” o ti ru nọ eware okpẹtu e te gbẹ rọ via ha.—Olezi 29:10.