Evaọ edẹ 25 Akpe, 2023, ofou ọwhibo nọ a se Otis o fou evaọ ofẹ obọze ovatha-ọre Mexico, kẹle okpẹwho Acapulco nọ ahwo a re kpohọ nyae jọ rri ughe. Ofou ọwhibo nana ọ ga vi efa kpobi nọ i fou no evaọ ofẹ Abade Pacific nana. Ofou o fou gaga yọ oso nọ ọ rrọ u ru nọ ame o ro ku eria kpobi. A niyẹrẹ nọ idhere, iwou gbe eware ẹlẹtriki e raha gaga. Fikiere eria buobu i gbe wo ikpẹ hẹ. Ahwo nọ a whu a bu te udhuvẹ gbe isoi.

Eware nọ ma te ta kpahe evaọ obotọ na yọ eware nọ inievo nọ e be rria oria nọ oware na o jọ via na a kaki vi ze.

• Oniọvo mai ọvuọvo ọ nwoma hayo whu hu

• Inievo mai nọ e be rria oria nọ oware na o jọ via na a bu vi idu ikpe (10,000)

• Ọgwa Okokohọ mai jọ evaọ Acapulco ọ raha gaga

• Esẹro okogho gbe ekpako ukoko nọ e rrọ oria nọ oware na o jọ via na a be rọ Ẹme Ọghẹnẹ tuduhọ inievo na awọ je fiobọhọ kẹ ae

• A vi inievo ene no uwou ogha Central America kpohọ oria na re a tuduhọ inievo na awọ

• A rehọ Ogbẹgwae Ogbodhẹ mu re o rẹrote iruo ogbodhẹ na

Ma lẹ nọ Jihova ọ gbẹ hae kẹ inievo eghaghae mai nana udhedhẹ je ru oma sasa ae.​—Ahwo Filipai 4:​6, 7.