Evaọ edẹ 22 Azie, 2023, Brọda Charles Fonseca, nọ ọ rrọ Ogbẹgwae Uwou Ogha Mozambique, o siobọno Ebaibol Na—Usi Uwoma Matiu evaọ ẹvẹrẹ Lolo. Okokohọ Ologbo “Wo Odiri”! ọrọ 2023 nọ a ru evaọ Sapemo, nọ ọ rrọ ubrotọ Zambezia evaọ Mozambique a jo siobọno Ebaibol na. Ahwo nọ a jọ okokohọ na a bu te idu esa gbe egba ezeza gbe udhone (3,680). A ghale Ebaibol Na—Usi Uwoma Matiu nọ a printi no kẹ ahwo kpobi nọ a jọ okokohọ na. A te je fi obe Matiu na gbe ọnọ a rekọdo no họ itanẹte re a danlodu.

Ahwo nọ a be ta ẹvẹrẹ Lolo evaọ Mozambique a bu te enwenọ idu egba esa gbe ọgba (330,000). Inievo mai nọ e be ta ẹvẹrẹ Lolo a bu te enwenọ egba ihrẹ gbe udhuvẹ-gbikpe (750), yọ a rrọ ikoko ikpegbihrẹ gbe itu esa. Nọ a kẹ oniọvo-ọmọzae jọ obe Matiu nọ a fa fihọ ẹvẹrẹ Lolo na no, ọ ta nọ: “U kri no nọ ma rọ gwọlọ nọ ma re se Ebaibol na evaọ ẹvẹrẹ mai. Ebaibol nana yọ oghale nọ u no obọ Jihova ze!”

Eva e were omai kẹ inievo mai nọ e be ta ẹvẹrẹ Lolo evaọ Mozambique, yọ ma lele i rai yere Jihova kẹ okẹ oghaghae nana.—Matiu 7:11.