Sofala gbe Manica, ibrotọ jọ nọ e rrọ Mozambique, gbe eria nọ ofou-owhre nọ a se Idai ọ jọ kake raha eware no vẹre evaọ Asa 2019

• Ofou ọwhibo nọ a se Chalane ọ raha eware gaga evaọ unueri Mozambique evaọ Akpegbivẹ 30, 2020. Owhe gbe ugbehru nọ u bru zurie fihotọ o raha eware gaga re

• Iwhowho-uvie esa e dina nwoma

• Iwou 34 e dina raha

• Iwou 12 e raha gaga

• Iwou 16 e raha muotọ

• Egwa Uvie 7 e dina raha

• Egwa Uvie 4 e raha gaga

• Ọgwa Uvie 1 ọ raha muotọ

• A rọ Ogbẹgwae Obufihọ kẹ Ahwo nọ Eware Okpẹtu E Via Kẹ ro mu re a fiobọhọ kẹ inievo nọ e rrọ oria nọ oware na o jọ via na. Ogbẹgwae na o bi je fiobọhọ kẹ inievo nọ iwou rai e raha muotọ re a ruẹ oria nọ a rẹ sae rria. Ahwo kpobi nọ a bi fiobọhọ evaọ iruo ogbodhẹ na a bi ru lele izi nọ egọmeti o fihọ fiki ẹyao COVID-19 na

Ma lẹ nọ Jihọva o gbe fiobọhọ kẹ inievo-emezae gbe erọ emetẹ mai nọ ofou ọwhibo na ọ raha eware rai na.​—Olezi 121:2.