Evaọ Akpegbivẹ 29, 2018, ọwhibo nọ a re se Usman ọ raha eware evaọ Samar, ukoliko avọ esa nọ ọ mae rro evaọ Philippines. Okposo ọ rrọ gaga, onọ u ru nọ ọloho avọ ame ọ rọ wọ ruọ oria kpobi. O tẹ kawo, ahwo 25 a whu yọ ahwo 42 a nwoma. Iwou nọ e raha i bu te idu udhegbivẹ, egba eree gbe ọgbagbisoi (22,835).

Uwou ogha Philippines o ta nọ oniọvo mai ọvuọvo o whu hu. Rekọ iwou inievo esa mai e raha muotọ, yọ ene e raha gaga. Ofariẹ, Ọgwa Uvie jọ ọ raha re. Uwou ogha na o rehọ Ogbẹgwae Obufihọ kẹ Ahwo nọ Eware Okpẹtu E Via Kẹ mu re a fiobọhọ kẹ inievo mai nọ okpẹtu o te oma na jẹ gwọlọ oria nọ a rẹ rria kẹ ae evaọ omoke jọ.

Ma wo imuẹro nọ inievo mai nọ okpẹtu o te oma na a ti gbe fievahọ Jihova inọ ọ te bọ ae ga je ru ai dikihẹ ga.—1 Pita 5:10.