Ẹdẹ nọ A Ru Rie: Akpegbọvo 1-3, 2019

Oria nọ A Jọ Ru Ei: Mall of Asia Arena gbe SMX Convention Center evaọ Manila, Philippines

Evẹrẹ nọ A ro Ru Okokohọ Na: English, Tagalog

Unu Ahwo nọ A Ziọ Okokohọ Na: 26,245

Unu Ahwo nọ A Họ-Ame: 145

Unu Ahwo nọ I No Erẹwho Efa Ziọ Okokohọ Na: 5,397

Iwou Ogha nọ A Zizie: Australasia, Central Europe, France, Indonesia, Italy, Japan, Kazakhstan, Madagascar, Malaysia, Myanmar, Papua New Guinea, Solomon Islands, South Africa, Sri Lanka, Taiwan, Thailand, United States

Eme nọ Ahwo Jọ A Ta: Rogelio Jolongbayan nọ o wuzou ọgwa ologbo nọ a re se Mall of Asia Arena, ọ ta nọ: “Whai họ ahwo nọ a mai wou uruemu evaọ usu ahwo nọ a haya oria nana mi omai no. Eva e were omai gaga inọ wha nyaze ọgwa nana ti ru okokohọ.”

Nolasco Bathan nọ ọ rrọ ohwo ologbo jọ nọ o wuzou iporisi nọ e be rẹrote ubrotọ yena ọ ta nọ: “Ahwo nọ a be ziọ okokohọ na kpobi a nabi dhuhie họ be rueva ọgwa na. O tubẹ gwọlọ nọ ma hae te nyaze dede he keme eware kpobi e rrọ kpatiẹ!”

U wo ọzae jọ nọ a re se Teofilo Labe Jr., nọ ọ rrọ ethabọ ọnọ o wuzou enọ i re rou Manila Hotel, nọ a fihọ re ọ rẹrote ọruẹrẹfihotọ ugheriwo inievo nọ i no erẹwho efa ze. Nọ o muẹrohọ inievo na omoke jọ no ọ tẹ ta nọ: “Ega ehọtẹle nana a tẹ nọ omẹ kpahe oghẹrẹ nọ ọruẹrẹfihotọ ugheriwo rai na o rrọ, . . . mẹ te ta nọ wha pase gaga. Whai yọ ahwo nọ a rrọ kpatiẹ gaga.”