Luzon

• Evaọ Akpegbọvo 11, 2020, ofou-owhre nọ a se Vamco (ọnọ a re se Ulysses evaọ Philippines) ọ tehe Patnanungan nọ ọ rrọ evaọ ubrotọ Quezon, ọ tẹ jẹ raha eria buobu evaọ Luzon

• Ofou-owhre nọ a se Vamco na họ okpofou avọ 21 nọ ọ tehe Philippines enukpe nana je ru nọ owhe nọ a re ruẹ obọriẹ hẹ o ro ku

• Nọ ofou-owhre ọgaga nọ a se Goni o fou no, u te eka ivẹ taure ọnọ a se Vamco na o te ti fou ze he, yọ a ta nọ ọnọ a se Goni na ọ rrọ usu ifou-owhre nọ e mae ga nọ e tehe Philippines no anwọ 2013, jẹ raha ọraha gaga evaọ eria jọ Luzon

• Ikpisoi nọ e rrọ avọ ifou egaga i ru nọ ame nọ ọ rrọ eria sa-sa nọ egọmeti o brudhe vẹre o ro bu thesiwa. Fikiere egọmeti o te siobọno ame na, o tẹ lẹliẹ owhe ku eria nọ ofou-owhre nọ a se Vamco na ọ tehe vẹre he

• Owhe nọ o ku na u ru nọ iviuwou nọ i bu vi egba ezeza (600) a gbe wo oria nọ a rẹ rria ha. Iviuwou nana jọ a dhẹ kpobọ ehru idhe iwou rai fiki epanọ ame na o je kpehru te, taure a tẹ te dhogbo ze ti fiobọhọ kẹ ae

• Oniọvo-ọmọzae jọ nọ ọ rrọ uzoge ọ nwoma okenọ ẹwẹ eglase ọ kiei ovao. Oria nọ ọ nwoma na u bi kpo ẹmẹrera

Iyẹrẹ nọ a kake kẹ i dhesẹ nọ:

• Owhe o ku Egwa Uvie nọ i te 6 gbe uwou efafa 1 jọ nọ o rrọ Ebẹtẹle he

• Iwou nọ i te 20 e raha

• Uwou 1 o raha muotọ

• Nọ o nwane via no, esẹro okogho gbe ekpako ukoko nọ e rrọ eria na a dhogbo bru inievo na, a kẹ rai emu, ame, gbe eria nọ a dhẹ no iwou rai a rẹ rria

• Iviuwou jọ a sai zihe kpohọ iwou rai no, yọ a mu rai họ erufo no

• Egbẹgwae Obufihọ kẹ Ahwo nọ Eware Okpẹtu E Via Kẹ esa nọ a ro mu obọ a be rẹrote iruo ogbodhẹ na

• Inievo na kpobi a be yọroma ziezi re a sai ru lele izi nọ egọmeti ọ kẹ kpahe okpẹyao COVID-19 na nọ a be dhogbo na

Ma riẹ nọ Jihova ọ te rẹrote inievo-emezae gbe emetẹ mai evaọ oke obẹbẹ nana. Ma be rọ ọwhọ rẹro okenọ ahwo Jihova kpobi a te rọ rria dhedhẹ ababọ ozọ okpẹtu nọ o ti mu ai.​—Olezi 4:8.