Isẹri Jihova a bi fiobọhọ kẹ Isẹri Jihova efa nọ e rrọ Philippines gbe amọfa evaọ okenọ okpofou nọ a re se Typhoon Sarika (nọ a rẹ jọ obei se Karen) gbe Typhoon Haima (nọ a rẹ jọ obei se Lawin) o zighi ukoliko Luzon, nọ o rrọ abọjọ Philippines evaọ Akpe 16 gbe 19, 2016. Okpofou nọ a se Typhoon Haima na ọ rrọ usu ifou nọ e mae ga kpaobọ nọ e tehe Philippines no anwẹnọ ọrọ Super Typhoon Haiyan (nọ a rẹ jọ obei se Yolanda) ọ rọ tehe na evaọ 2013.

Evaọ usu Isẹri Jihova 200,000 nọ e rrọ Philippines na ọvuọvo o whu hayo nwoma gaga ha evaọ ọraha na. Ghele na, iyẹrẹ nọ e kaki te omai obọ i dhesẹ nọ ifou, owhe, gbe igbehru nọ i zurie ze okenọ okpofou Typhoon Haima o fou, iwou 1,058, gbe Egwa Uvie hayo iwou egagọ Isẹri Jihova nọ i bu te 43 e raha.

Uwou ogha hayo ọfisi Isẹri Jihova nọ ọ rrọ Philippines a rọ ogbẹgwae jọ mu fihọ ẹwho Tuguegarao evaọ Luzon nọ o rẹ dhogbo bru ahwo nọ eware e via kẹ. Ogbẹgwae na u koko eware nọ ahwo a rehọ ze họ wọhọ, emu, gbe ame. No oke oyena ze, imoto ilogbo eree a rọ fa eware se ahwo na no. Uwou ogha na a be daoma bọ jẹ ruẹrẹ iwou jọ nọ ahwo na a rẹ rria omoke jọ gbe Egwa Uvie.

Utu Ẹruorote Iruẹru Isẹri Jihova a be jọ igho nọ ahwo a ro ru unevaze kẹ usiuwoma ota fiobọhọ kẹ ai no obọ oria nọ u wuzou iruo Isẹri Jihova ze.

Inọmba nọ Whọ rẹ Sai Se:

Akpọ-Soso: David A. Semonian, Office of Public Information, 1-718-560-5000

Philippines: Dean Jacek, 63-2-224-4444