Ẹdẹ nọ A Ru Rie: Aria 9-11, 2019

Oria nọ A Jọ Ru Ei: Municipal Stadium of Legia Warsaw gbe Torwar Hall, Warsaw, evaọ Poland

Evẹrẹ nọ A ro Ru Okokohọ Na: English, Polish

Unu Ahwo nọ A Ziọ Okokohọ Na: 32,069

Unu Ahwo nọ A Họ-Ame: 190

Unu Ahwo nọ I No Erẹwho Efa Ziọ Okokohọ Na: 6,892

Iwou Ogha nọ A Zizie: Central Europe, Chile, Ecuador, Finland, France, Georgia, Hungary, Japan, Korea, Moldova, Romania, Ukraine, United States

Eme nọ Ahwo Jọ A Ta: Ọzae jọ nọ a re se Kamil Kaźmierkiewicz, nọ o wuzou ehọtẹle jọ nọ a re se Four Points by Sheraton Warsaw Mokotów, onọ inievo mai nọ i no erẹwho efa ziọ okokohọ na a wohọ, o kere nọ: “Eware e jẹ riẹ nya ziezi nọ ma je lele owhai ru iruo na, dodokọ mẹ sae ruẹ erara efa nọ e rrọ wowou wọhọ owhai na nọ i re wohọ etenẹ. Mẹ ruẹ nọ wha you ohwohwo yọ okugbe ọ ginẹ rrọ udevie rai. . . . Oghẹrẹ nọ wha rọ ruẹrẹ okokohọ na họ o were omẹ gaga.”

Ọzae jọ nọ a re se Kamil Lubański, nọ o wo ekọmpene nọ a re se KL Team nọ e jẹ rọ imoto rai wọ inievo mai nọ i no erẹwho efa ziọ okokohọ na, ọ ta nọ: “Anwọ okenọ me ro mu Isẹri Jihova họ elele ru iruo, mẹ rọ ruẹ nọ a rrọ wowou gaga. A rrọ katiẹ gaga yọ a rẹ rọ eva rai kpobi ru oware nọ a bi ru. A ma omaa eware kpobi nọ a ti ru ziezi jẹ ruẹrẹ okokohọ na họ ziezi. Ekọmpene mai o lele itu ahwo sa-sa nọ e viodẹ ru iruo no, te ahwo egọmeti dede, evaọ orẹwho mai na gbe erẹwho efa nọ e rrọ Europe. Rekọ uzẹme riẹ họ, a rẹ kake ruẹ ahwo nọ a rrọ kpatiẹ nọ e rẹ ruẹrẹ eware rai họ wọhọ owhai hi. Re mẹ ta ẹme na kpẹkpẹe, emamọ ẹme rai ọvo edraeva mai gbe amọfa nọ a bi lele omai ru iruo a be ta kpahe owhai Isẹri Jihova evaọ iruo nọ a lele owhai ru na. Ma bi rẹro rai ẹdẹfa.”