Ẹdẹ nọ A Ru Rie: Azeza 28-30, 2019

Oria nọ A Jọ Ru Ei: Sport Lisboa e Benfica Stadium evaọ Lisbon, Portugal

Evẹrẹ nọ A ro Ru Okokohọ Na: English, Portuguese (Portugal), Portuguese Sign Language, Spanish

Unu Ahwo nọ A Ziọ Okokohọ Na: 63,390

Unu Ahwo nọ A Họ-Ame: 451

Unu Ahwo nọ I No Erẹwho Efa Ziọ Okokohọ Na: 5,300

Iwou Ogha nọ A Zizie: Angola, Australasia, Brazil, Canada, Central America, Ghana, India, Mozambique, Senegal, Spain, United States, Venezuela

Eme nọ Ahwo Jọ A Ta: Ọzae jọ nọ a re se Santos ọ jọ omọvo edraeva nọ e jẹ wọ inievo nọ i no erẹwho efa ziọ okokohọ na kpohọ ugheriwo. Nọ oniọvo nọ ọ jẹ rẹrote ọruẹrẹfihotọ imoto na o zizie iei kpohọ okokohọ na, Santos ọ ta nọ: “Mẹ gwọlọ nya. Keme anwọ okenọ me bi ro lele owhai ru iruo na, me wo oghẹrẹ udhedhẹ jọ nọ me ri wo ẹdẹvo ho. Mẹ riẹ obonọ udhedhẹ na o no ze he, rekọ me re wo udhedhẹ nọ mẹ tẹ rrọ kugbe owhai. Mẹ te nyaze okokohọ na edẹ na kpobi.” Nọ okokohọ na o kuhọ no, ọ ta nọ okokohọ na ọ were e riẹ gaga. Iwhre jọ nọ o kẹle Lisbon, Santos o no ze. Nọ ọ jọ obọ okokohọ na, ọ tẹ ruẹ oniọvo jọ nọ ọ be rria iwhre jọ nọ o kẹle iwhre rai. Santos ọ ta nọ ọ te nyabru oniọvo na re o wuhrẹ Ebaibol na kugbei nọ a te te obọ uwou no.