Evaọ Azeza 9, 2020 nọ o jọ Edivẹ-Oka, okọto okpẹwho Pskov u brukpe Brọda Gennady Shpakovskiy nọ ọ rrọ ikpe 61 inọ ọ te jọ uwou-odi ikpe ezeza gbe ubro. Nọ a nwani bruoziẹ na no, a tẹ rehọ iẹe no okọto na nyai fi ei họ uwou-odi. Evaọ usu inievo mai nọ a jọ Russia bruoziẹ kpe no anwọ 2017 nọ Okọto nọ O Mai Kpehru evaọ Russia u ro bruoziẹ nọ uzioraha o rrọ re a jọ Osẹri Jihova na, unuikpe nọ a bruoziẹ nọ oniọvo nana ọ te rọ rria uwou-odi na o mai bu. Brọda Shpakovskiy o ti tu ẹdhọ re a wariẹ ẹdhọ na gu.