Ẹdhọ Brọda Dennis Christensen nọ a je gu evaọ okọto Zheleznodorozhniy nọ o rrọ ubrotọ Oryol o kuhọ no, yọ obruoziẹ na o fi ẹdẹ oziẹbro na họ Edesa-Oka, Ava 6, 2019.

A fi Brọda Christensen họ uwou-odi anwọ edẹ 25 Asoi, 2017 nọ a ro mu ei. A mu ẹdhọ riẹ họ egu evaọ Ava 19, 2018. A te brukpe Brọda Christensen, a ti fi ei họ uwou-odi evaọ ikpe ezeza gbe ubro.

Dede nọ Brọda Christensen ọ rria uwou-di vrẹ ukpe ọvo gbe emerae eree no, eva e be were iẹe ghele, yọ o fievahọ Jihova. O bi yere inievo na evaọ akpọ na soso nọ a be hae rọ lẹ roro iei.—2 Ahwo Tẹsalonika 3:1, 2.