ARIA 24, 2020
RUSSIA
A Sai Fi Brọda Khasan Kogut họ Uwou-Odi Ikpe Ivẹ Evaọ Russia Siọ Aye Gbe Ọmọzae Rai nọ Ọ Gbẹ Rrọ Ọmaha Ba
Ẹdẹ nọ A ti Bruoziẹ Na
Aria 31, 2020, * evaọ Berezovsky City Court nọ o rrọ Kemerovo Region
Uye nọ A Sae Kẹe
A sai fi ei họ uwou-odi ikpe ivẹ
Iku Riẹ Kpẹkpẹe
Khasan Kogut
Ukpe nọ A Yẹ Riẹ: 1983 (Shahrisabz, Uzbekistan)
Iku Uzuazọ Riẹ: Ọ kaki mu Ebaibol na họ ewuhrẹ evaọ oware wọhọ ukpe 1995. Ọ kwa kpobọ Russia evaọ 2004, a tẹ kẹe obe-udi ọmotọ Russia. Ọ rọo Yekaterina evaọ 2010. A yẹ ọmọzae rai, Timofey, evaọ 2012
Oghẹrẹ nọ Ẹme na O ro Muhọ
Evaọ Ahrẹ 2018, ahwo egọmeti a kiẹ iwou eree erọ Isẹri Jihova je gboro ifonu gbe eware itieye efa. Emerae jọ nọ i lele i rie, iporisi i te zizie Brọda Kogut avọ aye riẹ kpobọ isteshọno re a nyae rehọ oware jọ nọ a gboro na. Nọ a te etẹe evaọ Ava 6, 2019, iporisi na a te mu Brọda Kogut. Iporisi na a tẹ wọ eku fihọ iẹe uzou inọ o bi wobọ evaọ iruẹru utu nọ egọmeti Russia o ta nọ u re ru ozighi re ahwo a kpare so egọmeti. A wọ eku nana fihọ iẹe uzou fikinọ o bi wobọ evaọ egagọ riẹ.
Nọ ọ rria isteshọno te edẹ ivẹ no, a te mu Brọda Kogut fihọ uwou jẹ ta nọ o du no uwou riẹ ze he. Ọ jọ uwou nọ a mu rie fihọ na vrẹ edẹ egba ivẹ (200), kẹsena a te siobọnoi evaọ Aria 2019. Eka jọ nọ i lele i rie a te mu ẹdhọ riẹ họ egu.
Nọ ahwo uviuwou Kogut a be hẹrẹ ẹdẹ nọ okọto o ti ro bruoziẹ na, ma riẹ nọ a ti gbolo awaọruọ rai kẹ Jihova je wo omosasọ keme a riẹ nọ ọ be daezọ rai.—1 Pita 5:7.
^ edhe-ẹme 3 O sai nwene