Evaọ edẹ 15 Azie, 2023, a siobọno Brọda Maksim Beltikov no uwou-odi nọ ọ rrọ Khadyzhensk, evaọ Russia. Evaọ edẹ 17 Ọvo, 2022, okọto o bruoziẹ kpei inọ a ti fi ei họ uwou-odi ikpe ivẹ. Rekọ fikinọ a kaki fi ei họ uwou-odi no taure a te ti bruoziẹ kpei, a siobọnoi evaọ edẹ 15 Azie, 2023.

Maksim avọ aye riẹ Mariya a yẹ emezae esa. Taure a te ti mu Maksim fihọ uwou-odi, ọ ta nọ: “Mẹ avọ ahwo uviuwou mẹ ma gbẹ be wereva ghelọ ukpokpoma nana, keme ma riẹ nọ Jihova ọ be ruẹ oware kpobi nọ o be via yọ o ti ru oware jọ. Ghelọ oware kpobi nọ o via kẹhẹ, ma gba riẹ mu no inọ ma re ru oware nọ o rrọ obe Joshua 24:15 nọ o ta nọ: ‘Rekọ rọkẹ omẹ avọ ahwo uwou mẹ, Jihova ma rẹ gọ.’ ”

A bruoziẹ kpe Maksim keme a ta nọ o bi ru ozighi jẹ gba ahwo họ egagọ riẹ. Maksim ọ ta ududu kẹ ahwo okọto na nọ: “Me bi ru ozighi hi, yọ mẹ be gba ahwo họ egagọ mẹ hẹ. Mẹ riẹ nọ emamọ oware me bi ru, fikiere oma o be vuọ omẹ hẹ. Eva e were omẹ inọ mẹ yọ Osẹri Jihova.”

Maksim o kpo bru aye riẹ Mariya gbe emọ riẹ no. Ma riẹ nọ Jihova ọ te gbẹ hai fiobọhọ kẹ ae jẹ ghale ae evaọ egagọ riẹ.​—Olezi 4:3.