Evaọ edẹ 20 Ane, 2023, ahwo egọmeti Russia a wariẹ tu Brọda Dmitriy Terebilov ẹdhọ kpohọ okọto, dede nọ ọ rrọ uwou-odi anwọ amara Azie 2021 fiki egagọ riẹ. Onana họ orọ ọsosuọ nọ egọmeti Russia o bi ro tu Osẹri Jihova nọ a fihọ uwou-odi no ẹdhọ fikinọ o lele ohwo nọ avọ iẹe a gbẹ rrọ uwou-odi ta ẹme kpahe Ebaibol na. Oware otiọna o re via ha anwọ 2017 nọ Okọto nọ O Mai Kpehru evaọ Russia o ro fi awhaha họ iruo usi uwoma ota Isẹri Jihova gbe egagọ rai na. A te brukpe Dmitriy, a ti fi ei họ uwou-odi evaọ ikpe eree, kugbe ikpe esa nọ ọ rọ rrọ uwou-odi no vẹre na.

Nọ ukpokpoma u bi dhe ẹgẹga evaọ Russia na, ma riẹ nọ Jihova ọ te hae gbẹ kẹ inievo mai nọ e rrọ Russia “ogaga nọ u vi ogaga.”—2 Ahwo Kọrint 4:7.