Evaọ Akpe 23, 2020, okọto Oktyabrsky District Court of Kirov o bruoziẹ kpe Brọda Anatoliy Tokarev, o te je ho ei 500,000 rubles (koyehọ, ₦2,815,090.30). A kẹ riẹ edẹ ikpe nọ ọ sae rọ wariẹ tu ẹdhọ na.

Nọ ọ jẹ ta eme urere riẹ kẹ okọto na, Brọda Tokarev ọ ta ududu nọ: “Evaọ ẹdhọ nana nọ ma bi gu na, o rrọ wọhọ ẹsenọ ahwo egọmeti na a be ta kẹ omẹ nọ: ‘Who gbe siobọno ẹrọwọ ra ha, . . . ma ti gboja kẹ owhẹ evaọ ẹgbede.’ . . . Olori mẹ, evaọ ẹdẹ ọsosuọ nọ a ro mu ẹdhọ mẹ họ egu na mẹ ta ẹme jọ, yọ mẹ te wariẹ ẹme ọvona, mẹ sae se ẹrọwọ nọ me fihọ Ọghẹnẹ hẹ. . . . Uzẹme o ginẹ rrọ, nọ ahwo egọmeti a ta nọ me ti kpohọ uwou-odi hayo a ti kpe omẹ no, o lẹliẹ ozọ mu omẹ, yọ ere o rrọ Osẹri Jihova kpobi oma re. Epọvo na re, nọ a bi se omẹ ohwo ugbarugba na yọ a be jọ iraro ahwo raha odẹ mẹ dede nọ me ru oware ovo thọ họ. O make rrọ ere na, Olori mẹ, mẹ sae nyasiọ Ọghẹnẹ mẹ ba vievie he, keme nọ me te ru ere yọ mẹ vro uyoyou nọ o wo kẹ omẹ no.”