Evaọ Ava 4, 2020, okọto nọ a re se Zheleznodorozhniy Court evaọ Khabarovsk o bruoziẹ kpe Brọda Stanislav Kim avọ Nikolay Polevodov. Dede nọ a bruoziẹ kpe ai, a ti kpohọ uwou-odi hi. Rekọ a te hai fiẹrohọ ai evaọ etoke ikpe ivẹ nọ a brukpe ai na, nọ a jẹ thọ uzi jọ a ve fi ai họ uwou-odi. Inievo na a te wariẹ tu ẹdhọ na kpohọ okọto ọfa. Inievo ivẹ na a wo ẹdhọ ọfa evaọ okọto nọ a re se Industrial District Court evaọ okpẹwho ọvona. A ri fi ẹdẹ nọ a ti ro bruoziẹ ẹdhọ yena họ họ.