Evaọ Akpe 26, 2020, okọto Lgov District Court o wariẹ se inọ a re siobọno Brọda Dennis Christensen hi, dede nọ ọ rrọ uwou-odi vrẹ ikpe esa no. A kẹ riẹ edẹ ikpe nọ ọ rẹ rọ wariẹ tu ẹdhọ na. Asoi 2022 unu ikpe nọ a ta nọ a ti fi ei họ uwou-odi na e te gba, yọ u fo nọ a re siobọnoi evaọ oke yena. A re kele oke nọ ọ rọ jọ uwou-odi taure a te ti gu ẹdhọ riẹ na kugbe. Rekọ evaọ amara nọ u kpo na, ahwo nọ a be rẹrote uwou-odi na a tẹ wọ eku jọ fihọ iẹe uzou inọ ọ thọ izi uwou-odi na jọ. Fiki onana, ẹsejọhọ ahwo egọmeti na a te gbẹ gwọlọ kele oke nọ ọ rọ jọ uwou-odi taure a te ti gu ẹdhọ riẹ na kugbe kẹe he, onọ u ti ru nọ ọ sae gbẹ rọ jọ uwou-odi lehie vrẹ Asoi 2022.

Anwọ Asoi 25, 2017 nọ a ro mu Brọda Christensen na, ọyomariẹ avọ aye riẹ, Irina, a rẹriẹ ovao dhe ebẹbẹ egaga buobu no. Ghele na, aimava a gbẹ be wereva yọ a gba riẹ mu nọ a re thihakọ odawọ nana te urere. A be sai ru onana fiki elẹ nọ whai inievo akpọ-soso mai na a be hae lẹ roro ai kẹse kẹse.