Evaọ Ava 14, 2020, okọto Russia jọ nọ a re se Vilyuchinsk City Court u brukpe Brọda Mikhail Popov avọ aye riẹ nọ a re se Yelena Popova. Okọto na u ho Brọda Mikhail Popov 350,000 rubles (₦1,907,065.93), u te ho Sista Yelena Popova 300,000 rubles (₦1,634,756.36); rekọ a fi rai họ uwou-odi hi. Aimava na a te kpare ẹdhọ na kpohọ okọto ofa.

A mu Brọda Mikhail Popov avọ aye riẹ evaọ Ahrẹ 2018. Nọ omoke jọ o vrẹ no, a te siobọno ai bẹsenọ a ti guẹdhọ na.

Anwọ ukpe 2019 ze na, ekọto Russia sa-sa a brukpe Isẹri Jihova udhegberee no fiki ẹrọwọ rai. Evaọ emerae ivẹ nọ e vrẹ na ọvo, a brukpe inievo ikpe soso. Rekọ a fi rai họ uwou-odi hi.