Evaọ Asa 1, 2019, Okọto nọ O Mai Kpehru evaọ Republic of Kabardino-Balkaria nọ o rrọ Russia o bru kẹ Brọda Arkadya Akopyan evaọ ẹdhọ nọ a jọ kaki brukpei vẹre. O vrẹ ẹgbukpe no nọ a bi ro guẹdhọ na. A bọwo Brọda Arkadya Akopyan ota inọ ọ raha uzi egọmeti keme ọ be kẹ ahwo ebe egagọ nọ e “wọso egọmeti,” je ru re ‘ahwo egagọ sa-sa a mukpahe ohwohwo.’

Nọ a kaki bruoziẹ na evaọ okọto jọ, a brukpe Brọda Akopyan nọ ọ kpako to ikpe 70 no re o ruiruo ọgbahọ ababọ osa nọ a rẹ hwae. Nọ a wariẹ guẹdhọ na evaọ Okọto nọ O Mai Kpehru, a te bru kẹ Brọda Akopyan, jẹ rọ ere si oziẹ okọto ọsosuọ no otọ.

Ma yere Jihova kẹ oziẹbro nana, yo ma ghọghọ kẹ Brọda Akopyan. Ma be lẹ ẹsikpobi re inievo mai a gbẹ hae thihakọ je kru ẹrọwọ rai.—2 Ahwo Tẹsalonika 1:4.