South Korea

• Ifou gbe iso nọ e rrọ gaga evaọ Korea e raha eware, yọ evaọ ikuigbe ahwo Korea, onana họ ezi iso avọ ifou nọ o mai kri no

• Iso nọ i bi dhe ẹrẹrrọ i ru ẹvo ku eware raha je bru igbehru zurie fihọ otọ

• Iwhowho-uvie 16 e kwa no iwou rai omoke jọ

• Iwou 30 e raha

• Egwa Uvie 19 e raha

• Uwou ogha Korea o rehọ Egbẹgwae Obufihọ kẹ Ahwo nọ Eware Okpẹtu E Via Kẹ esa mu (DRC)

• DRC na avọ esẹro okogho erọ ikogho nọ e rrọ oria na a bi ru iruo kugbe ekpako ikoko na re a fiobọhọ kẹ inievo-emezae gbe erọ emetẹ mai nọ u kpomahọ

• Ma be ta ẹme na, a bi ru iwou gbe Egwa Uvie fo jẹ be ruẹrẹ ae

• Evaọ okpẹwho Gurye nọ iso na e jọ rrọ gaga, oniọvo jọ nọ a re se Min-seong Lee avọ aye riẹ a dhẹ no uwou rai yọ a tọlọ oware ovo lele oma ha. Ame o ku uwou rai soso. Nọ ame na ọ kpọ no, nọ inievo DRC a jẹ sai mu obọ họ efihọ no, a te ru uwou amọ Brọda Lee fo jẹ kẹ ọzae-avọ-aye nana eware nọ e kare e rai. Inievo DRC na a tẹ jẹ rọ Ẹme Ọghẹnẹ tuduhọ Brọda Lee avọ aye riẹ awọ jẹ sasa ae oma ziezi. Fiki obọ no a fihọ kẹ ae na, Sista Lee ọ ta nọ: “Obọ nọ a fihọ kẹ omai na o da omẹ ẹro fia. Inievo na a ru kẹhẹ. A ru iruo na wọhọ ẹsenọ a be rẹrote iwou obọrai. Ginọ uzẹme nọ eware mẹ buobu i vru, rekọ eware nọ i te omẹ obọ i bu vi enọ i vru ku omẹ.”

Eva e be were omai inọ Jihova nọ ọ rrọ “Ọghẹnẹ omosasọ kpobi” na ọ be rẹrote inievo mai nọ e rrọ obọ Korea evaọ oke obẹbẹ nana.—2 Ahwo Kọrint 1:3, 4.