Evaọ Ava 28, 2019, a siobọno Osẹri Jihova urere nọ a fihọ uwou-odi evaọ South Korea fikinọ ọ siọ iruo isoja. Eva e were inievo na kpobi inọ a wo ufuoma no enẹna gbe inọ a sai kru ẹrọwọ rai evaọ etoke ekarọ na.

Evaọ Akpegbọvo 1, 2018, Okọto nọ O Mai Kpehru u bruoziẹ nọ ohwo ọ tẹ siọ iruo isoja fiki ẹrọwọ riẹ, ọ raha uzi orẹwho na ha. Anwọ oke yena ze, a siobọno inievo mai nọ i bu te 65 no. Fiki oziẹ nana nọ a bru na, a gbe bi fi inievo mai nọ e siọ iruo isoja fiki ẹrọwọ rai họ uwou-odi hi, oware nọ a be hai ru ai anwọ ikpe 65 nọ e vrẹ na.

Ẹrọwọ nọ inievo mai nọ e rrọ Korea a kru na o be kẹ omai udu nọ ma bi ro “dhesẹ aruọwha vi epaọ anwẹdẹ” evaọ egagọ mai re ma yoẹme kẹ Ovie mai, jẹ romakpotọ kẹ esuo Uvie riẹ. (Ahwo Filipai 1:14) Ma be lẹ roro inievo mai nọ e rrọ uwou-odi evaọ Eritrea, Russia, Singapore, gbe Turkmenistan.—Ahwo Hibru 10:34.