Ẹdẹ nọ A Ru Rie: Azie 13-15, 2019

Oria nọ A jọ Ru Ei: KINTEX (Korea International Exhibition Center) evaọ Seoul, South Korea

Evẹrẹ nọ A ro Ru Okokohọ Na: Chinese Mandarin, English, Indonesian, Korean, Russian, Vietnamese

Unu Ahwo: 60,082

Unu Ahwo nọ A Họ Ame: 478

Unu Ahwo nọ I No Erẹwho Efa Ziọ Okokohọ Na: 6,076

Iwou Ogha nọ A Zizie: Brazil, Czech-Slovak, Finland, France, Greece, Indonesia, Kazakhstan, Malaysia, Scandinavia, United States, Vietnam

Eme nọ Ahwo Jọ A Ta: Ọzae jọ a re se Choi Ji-woong, nọ o wuzou ekọmpene nọ o there emu kẹ inievo nọ i no erẹwho efa ziọ okokohọ na ọ ta nọ: “Ohwo jọ nọ o bi ru iruo evaọ ekọmpene na ọ ta nọ, iruo nana ọ jọ ruẹ oghẹrẹ ahwo nọ Isẹri Jihova a ginẹ rrọ, inọ a rrọ wowou gaga. Oware jọ nọ o were omẹ gaga họ, oghẹrẹ nọ Isẹri Jihova nọ e rrọ ahwo Korea gbe enọ i no erẹwho efa ze a je ro dhesẹ uyoyou kẹ ohwohwo dede nọ a re ruẹ ohwohwo ẹdẹvo ho. A wọhọ egbẹnyusu ekpekpe nọ e ruẹ ohwohwo kri no. Dede nọ me lele ahwo egagọ buobu ru iruo no, okokohọ nana nọ Isẹri Jihova a ru na, mẹ re ruẹ obọ riẹ hẹ.”

Aye jọ nọ a re se Ahn Seon-ju, nọ ọ rrọ usu ahwo nọ a wuzou ekọmpene nọ e rẹ rọ ahwo nọ a ziọ ugheriwo nya wariẹ, ọ ta nọ: “Mẹ ruẹ nọ Isẹri Jihova a rrọ wowou yọ ovao rai o rẹ jọ ohwohwẹ ẹsikpobi, fikiere me roro nọ u fo nọ edraeva mai a rẹ jọ wọhọ e rai. Evaọ oke ọsosuọ, ma nwane riẹ oware nọ o lẹliẹ e rai rrọ ere he, rekọ nọ me je lele ai ru iruo na, mẹ tẹ ruẹ nọ a gine you ohwohwo gaga, a rẹ rọ adhẹẹ kẹ ohwohwo re, a te je bi ru oware nọ a bi wuhrẹ. U gbe omẹ unu nọ a vuẹ omẹ nọ unevaze aikpobi a bi ro ru iruo rai na. Nọ mẹ ruẹ epanọ Isẹri Jihova na a rẹ rọ gaviezọ kẹ ohwohwo jẹ rrọ ovao ohwohwẹ kpahe ẹme kẹ ohwohwo, u ru nọ me bi roro kpahe oghẹrẹ nọ mẹ sai ro nwene re me wo oghẹrẹ uruemu utioye na re. Nọ uvẹ u te rovie fihọ evaọ oke ọfa, mẹ gwọlọ nọ me re gbe lele Isẹri Jihova na ru iruo.”

Ọzae jọ nọ a re se Kim Gyo-Shik, nọ o wuzou oria arozaha nọ a re se MBC Munhwa Broadcasting Station Dae-jang-geum Theme Park, ọ ta nọ: “Ọruẹrẹfihotọ nọ Isẹri Jihova a ru na o jọ wowoma gaga. Dede nọ ichọche Katọlik mẹ rrọ, oghẹrẹ nọ a rọ ruẹrẹ eware họ u dhesẹ oghẹrẹ uruemu nọ u fo nọ Ileleikristi uzẹme a re wo. Mẹ omamẹ gbe ahwo nọ ma gbe bi ru iruo, ma muẹrohọ epanọ Isẹri Jihova na a jẹ rọ romatotọ ru eware evaọ okugbe ọvo. A rrọ wowou, yọ taure a tẹ re rehọ oware jọ evaọ oria iruo mai na, makọ oware osese dede, a re mi uvẹ tao. A were omẹ gaga, o jọ wọhọ ẹsenọ mẹ rrọ Osẹri Jihova.”