Ẹkpẹlobọ ovatha-ọre California gbe Oregon

• Elo egbrara nọ e va nọ i bu te idu ikpegbene (14,000) gbe eware efa nọ e via e lẹliẹ eware fru erae evaọ eria sa-sa nọ e vrẹ egba ihrẹ (700), yọ e mahe okegbe nọ ọ rro te enwenọ ogege nọ a rẹ jọ fa ebọro ima ọvo (1,000,000) evaọ ofẹ ẹkpẹlobọ ovatha-ọre California gbe ofẹ jọ Oregon

• Iwiri avọ enwo e raha ofou na kpobi no. Evaọ Aria 21, a niyẹrẹ nọ ofou nọ a rẹ wẹ nọ ọ rrọ ofẹ ẹkpẹlobọ ovatha-ọre California gbe ofẹ jọ Oregon u yoma vi ofou nọ ọ rrọ oria ofa kpobi evaọ akpọ na

• Evaọ erae kpobi nọ e to no evaọ California, a ta nọ ọvo jọ ọvo ọ ga vi erae ivẹ jọ evaọ usu erae nana nọ e be to na

• Iwhowhu-uvie 936 a dhẹ no iwou rai evaọ omoke jọ

• Iwou iwhowho-uvie 2 e raha

• Ogbẹgwae Obufihọ kẹ Ahwo nọ Eware Okpẹtu E Via Kẹ, esẹro okogho, gbe ekpako ukoko nọ e rrọ eria na a be daoma fiobọhọ kẹ inievo nọ okpẹtu na o kpomahọ

Eva e be were inievo-emezae gbe erọ emetẹ mai gaga fiki obọ nọ ukoko na u bi fihọ kẹ ae. Oniọvo-ọmọzae jọ ọ ta nọ: “Ghelọ oware kpobi nọ o via kẹhẹ, ukoko na o rẹ dhogbo bru owhẹ ze ababọ oke-oraha. Mai kpobi uviuwou ovo.” Oghẹrẹ nọ a bi ro fiobọhọ kẹ inievo mai na u dhesẹ nọ oware ovo o rẹ sae “hẹriẹ omai no uyoyou Ọghẹnẹ” hẹ.—Ahwo Rom 8:39.