AHRẸ 19, 2019
UNITED STATES

Houston, United States (Oyibo)—Okokohọ Akpọ-Soso 2019 “Uyoyou O rẹ Jọ Bẹdẹ”!

KPORO

Ẹdẹ nọ A Ru Rie: Ahrẹ 12-14, 2019
Oria nọ A Jọ Ru Ei: NRG Stadium evaọ Houston, Texas, United States
Evẹrẹ nọ A ro Ru Okokohọ Na: English, Korean
Unu Ahwo nọ A Ziọ Okokohọ Na: 50,901
Unu Ahwo nọ A Họ-Ame: 401
Unu Ahwo nọ I No Erẹwho Efa Ziọ Okokohọ Na: 5,000
Iwou Ogha nọ A Zizie: Australasia, Belgium, Brazil, Britain, Canada, Colombia, Czech-Slovak, France, India, Italy, Japan, Korea, Philippines, gbe Scandinavia
Eme nọ Ahwo Jọ A Ta: Sylvester Turner, nọ ọ rrọ osu ẹwho na ọ ta nọ emamọ uruemu Isẹri Jihova idu udhuvẹ-gbikpe (50,000) gbe Isẹri Jihova efa nọ a zizie no erẹwho efa ziọ ẹwho Houston rọkẹ okokohọ na o were e riẹ gaga. Ọ ta nọ: “Wọhọ epanọ ohwo o re rovie ẹthẹ re emamọ ofou o fou ruọ evaọ uwou na, ere wha jọ rọkẹ okpẹwho na. Eva e were omai gaga inọ wha nyaze ẹwho mai ti ru okokohọ na. O tẹ make rọnọ isiava evaọ ẹgbukpe whai [Isẹri Jihova] wha gwọlọ nyaze ti ru okokohọ evaọ okpẹwho Houston dede, ma ti dede owhai rehọ oke kpobi. Iviena wha hae nyaze kukpe kukpe.”

Inievo-emezae gbe erọ emetẹ nọ i bi dede inievo nọ i no erẹwho efa ziọ okokohọ na rehọ

Inievo nọ i no erẹwho efa ziọ okokohọ na avọ inievo nọ e rrọ ẹwho na nọ a rrọ usi uwoma ota

Inievo jọ evaọ usu inievo 401 nọ e họ-ame evaọ okokohọ na nọ a be họ-ame

Brọda Anthony Morris, omọvo Utu Ẹruorote na, nọ o bi ru ẹme urere Ẹdẹ-Ọmaha okokohọ na

Inievo nọ i no erẹwho efa ziọ okokohọ na nọ a be ruọ ifoto, yọ ejọ i ku iwu orẹwho rai họ

Inievo nọ i no erẹwho efa ziọ okokohọ na nọ a be ta ẹme kugbe

Inievo nọ e rrọ iruo odibọgba oke-kpobi ọrọ obọdẹ na nọ ogbotu ahwo nọ e rrọ okokohọ na a be tehe abọ kẹ evaọ Ẹdoka nọ ọ jọ ẹdẹ urere okokohọ na

Inievo-emezae gbe erọ emetẹ nọ e rrọ ẹwho na nọ a rrọ ehru isteji nọ a ku ẹkeriotọ nọ a ru evaọ owọwọ họ nọ, eware jọ nọ a ru họ, ile-esuọ, ile-igbe, gbe ọkiẹriwi ọkpẹkpẹe nọ a ru kpahe ikuigbe Isẹri Jihova evaọ Houston