ARIA 29, 2019
UNITED STATES
Houston, United States (Spanish)—Okokohọ Akpọ-Soso 2019 “Uyoyou O rẹ Jọ Bẹdẹ”!
Ẹdẹ nọ A Ru Rie: Aria 23-25, 2019
Oria nọ A Jọ Ru Ei: NRG Stadium nọ o rrọ Houston, Texas, evaọ United States
Ẹvẹrẹ nọ A ro Ru Okokohọ Na: Spanish
Unu Ahwo nọ A Ziọ Okokohọ Na: 56,167
Unu Ahwo nọ A Họ-Ame: 626
Unu Ahwo nọ I No Erẹwho Efa Ziọ Okokohọ Na: 5,500
Iwou Ogha nọ A Zizie: Argentina, Bolivia, Central America, Chile, Colombia, Dominican Republic, Ecuador, France, Italy, Japan, Peru, Philippines, Spain, Trinidad and Tobago, Venezuela
Eme nọ Ahwo Jọ A Ta: Ọzae jọ nọ a re Joelle Hardin, nọ ọ rrọ usu ahwo nọ a wuzou oria nọ ahwo a re jo kpohọ ugheriwo nọ a re se Space Center Houston, ọ ta nọ: “Ohiohiẹ nana, oruiruo mai jọ [ọnọ o je rri ebe nọ inievo nọ i no erẹwho efa ziọ okokohọ na a rẹ rọ ruọ oria ugheriwo na] ọ tẹ nyabru omẹ ze jẹ ta nọ, ‘Joelle, . . . ohwo kpobi o rri omẹ ovao jẹ ta kẹ omẹ nọ, “Whẹ kobiruo,” yọ ejọ e ta ere evaọ evẹrẹ sa-sa.’ Eva e were riẹ gaga ẹdẹ yena. Eva e re were iẹe te enẹ kẹle he.”
Inievo nọ e ziọ okokohọ na nọ e be nyaziọ obọ istediọmo na evaọ irioke
Inievo nọ i no erẹwho efa ziọ okokohọ na avọ inievo nọ e rrọ ahwo ẹwho na nọ a rrọ usi uwoma
Inievo buobu nọ e fialoma via re a ru istediọmo nọ a ti jo ru okokohọ na fo taure Edisoi-Oka nọ a ti ro muhọ na o te ti te
Inievo ivẹ jọ evaọ usu inievo 626 nọ e họ-ame evaọ okokohọ na
Brọda Mark Sanderson, omọvo Utu Ẹruorote na, nọ o bi ru ẹme urere Edisoi-Oka okokohọ na
Inievo nọ e ziọ okokohọ na nọ i bi kere eme jọ fihotọ evaọ etoke okokohọ na
Oniọvo-ọmọtẹ jọ nọ ọ wha inievo nọ i no eria efa ziọ okokohọ na kpohọ ugheriwo evaọ oria nọ a re fi eware anwae họ nọ a re se Houston Museum of Natural Science
Inievo-emezae gbe erọ emetẹ mai nọ i bi gbe ile evaọ ẹkeriotọ nọ a wo evaọ owọwọ
Inievo nọ e rrọ iruo odibọgba oke-kpobi ọrọ obọdẹ na nọ a bi veghe obọ kẹ ogbotu na nọ a je ku okokohọ na họ evaọ Ẹdoka