No Ane 12 rite Ane 13, 2020, ikpifou sa-sa nọ i bu vrẹ udhusoi (100) soso i fou evaọ ofẹ United States jọ, yọ e raha eware gaga. Utu ahwo jọ nọ a re se National Weather Service o niyẹrẹ nọ ọjọ evaọ usu ikpifou nana ọ kẹre te emaela ivẹ, yọ onana họ orọ ọsosuọ nọ oghẹrẹ okpofou ọgaga otiọna o ro fou.

Ababọ oke oraha, uwou ogha o tẹ nwani se esẹro okogho nọ e rrọ ofẹ nọ okpofou na ọ jọ fou na re a riẹ epanọ ọ raha eware inievo mai te. Oniọvo mai ọvuọvo o whu hu evaọ okpofou na. Rekọ oniọvo-ọmọtẹ mai jọ nọ okpofou na o te uwou riẹ ọ nwoma omojọ. Inievo udhosa-gbesa a dhẹ no iwou rai, iwou ikpegbivẹ e raha muotọ, yọ iwou udhuvẹ gbe ikpegberee efa jọ e raha omojọ. Ofou na ọ raha emeria jọ evaọ Egwa Uvie isoi jọ, rekọ Ọgwa Uvie ọfa jọ ọ raha gaga fiki ure nọ u nwo fihọ iẹe.

Ekpako ukoko gbe esẹro okogho na a gbẹ be daoma re a riẹ epanọ eware e rrọ kẹ inievo na. A be kẹ inievo na emu gbe eware itieye efa nọ a gwọlọ jẹ be rehọ Ebaibol na rọ tuduhọ ae awọ, a tẹ be rọ ere sasa ae oma fiki eware rai nọ e raha na.—Aizaya 40:1.