ARIA 23, 2019
UNITED STATES

St. Louis, United States—Okokohọ Akpọ-Soso 2019 “Uyoyou O rẹ Jọ Bẹdẹ”!

KPORO

Ẹdẹ nọ A Ru Rie: Aria 16-18, 2019
Oria nọ A Jọ Ru Ei: The Dome at America’s Center evaọ St. Louis, Missouri, United States
Evẹrẹ nọ A ro Ru Okokohọ Na: English, Croatian
Unu Ahwo nọ A Ziọ Okokohọ Na: 28,122
Unu Ahwo nọ A Họ-Ame: 224
Unu Ahwo nọ I No Erẹwho Efa Ziọ Okokohọ Na: 5,000
Iwou Ogha nọ A Zizie: Argentina, Australasia, Britain, Canada, Central Europe, Colombia, Croatia, Czech-Slovak, Finland, France, Japan, Philippines, Poland, Portugal, Scandinavia, Serbia, South Africa
Eme nọ Ahwo Jọ A Ta: Martin Gulley, omọvo ahwo nọ i wuzou oria jọ nọ a rẹ jọ ruọ itreni ọ ta nọ: “Ohwo ọ sae ta nọ o you omọfa. Ohwo ọ sae ta nọ oware jọ o were riẹ gaga. Rekọ ọ gbẹ rọ uruemu dhesẹ iẹe via ha, a sai se oyena uyoyou hu. Whai [Isẹri Jihova wha] bi gine dhesẹ nọ wha you ohwohwo. Wha wo omaurokpotọ, yọ uyoyou o rẹ lẹliẹ ohwo wo omaurokpotọ orọnikọ omorrọ ho. Ebaje nana nọ me kuhọ na ahwo a rẹ rọ riẹ nọ mẹ be jọ oria itreni nana ru iruo. Uyoyou nọ wha bi dhesẹ na oye ahwo a rẹ rọ riẹ nọ whai yọ Isẹri Jihova.”

Jerry Vallely, ọga jọ evaọ ọfisi egọmeti nọ o re ru re ekiọthuọ ubrotọ na o nyaharo ọ ta nọ: “Orọnikọ epanọ wha re ro ru okokohọ na no re wha kpọ ọvo wha bi roro kpahe he. Wha bi roro kpahe ahwo nọ a ti wo erere no oware nọ wha bi ru na ze; te ahwo nọ a be te ziọ okokohọ evaọ ẹwho nana, te ahwo nọ a be jọ ẹwho na ru iruo, te omai nọ ma rrọ oria itreni nana. Wha bi roro kẹ ohwo kpobi nọ o wobọ kpahe ọruẹrẹfihotọ na, re eware i kiehọ ae oma ziezi, re eva e were ae.”

Inievo-emezae gbe erọ emetẹ nọ e rrọ ahwo ẹwho na a be hẹrẹ inievo nọ i bi no erẹwho efa ziọ okokohọ na evaọ oria nọ irupre e rẹ kpahe nọ a re se St. Louis Lambert International Airport

Inievo nọ e rrọ ahwo ẹwho na gbe enọ i no eria efa ziọ okokohọ na a be rọ oware nọ a re fi ebe họ ghelie na ta usi uwoma evaọ obọ otẹwho St. Louis

Inievo-emezae gbe erọ emetẹ a bi ririe oria nọ a bi ti jo ru okokohọ na nọ a re se “The Dome,” taure okokohọ na o te ti muhọ

Inievo esa evaọ usu inievo 224 nọ e họ-ame evaọ okokohọ na

Brọda David Splane, omọvo Utu Ẹruorote na, nọ o bi ru ẹme urere evaọ ẹdẹ avọ esa okokohọ na

Inievo nọ e rrọ okokohọ na be gaviezọ, yọ a be hwẹ

Inievo nọ e rrọ iruo odibọgba oke-kpobi ọrọ obọdẹ na nọ i no erẹwho efa ze, nọ i dikihẹ ogege oria nọ a jọ ru okokohọ na bi veghe obọ kẹ ogbotu na evaọ Ẹdoka

Inievo nọ e rrọ ahwo ẹwho na gbe enọ i no eria efa ziọ okokohọ na nọ a be ruọ ifoto

Inievo nọ i no eria efa ziọ okokohọ na a bi rri erao jọ evaọ oria nọ a jọ kpohọ ugheriwo evaọ Saint Louis

Inievo nọ i no eria efa ziọ okokohọ na a rrọ uwou-ebe nọ a re se St. Louis Public Library. A bi rri Ebaibol King James Version, ọrọ ọsosuọ kpobi nọ a kere evaọ 1611, nọ a rẹ kake ruẹ hẹ. Obe Olezi 83:18 o rovie fihọ. Fiki inievo nọ i no erẹwho efa ziọ okokohọ na a mai ro rovie Ebaibol nana kpohọ oria Olezi nana