Evaọ Akpegbivẹ 12, 2018, Isẹri Jihova a zẹ otọ rai nọ u kiọkọ evaọ obọ Brooklyn, oria nọ u wuzou iruẹru rai vẹre. Otọ na o rrọ iyẹrẹ nọ a re se One York Street hayo 30 Front Street. A zẹ otọ na kẹ Fortis Dumbo Acquisition, LLC. Anwọ 2004 ze, Isẹri Jihova a zẹ etọ gbe iwou rai nọ i bu te 37 evaọ Brooklyn no.

Isẹri Jihova a dẹ otọ York Street na evaọ ukpe 1977. Ahwo nọ a je ru iruo evaọ oria nọ u wuzou iruẹru Isẹri Jihova vẹre a jẹ hae dhẹ imoto fihọ etẹe. Otọ na (nọ whọ be ruẹ evaọ ifoto na) ọ rrọ oria nọ a re se DUMBO, jẹ rrọ uwhru Brooklyn Bridge avọ Brooklyn-Queens Expressway.

Bu vrẹ ikpe 100 soso, Brooklyn ọ jọ oria nọ Isẹri Jihova a jẹ jọ rẹrote iruo usi uwoma ota rai evaọ akpọ na soso. No anwọ 2016 ze, Warwick họ oria nọ u wuzou iruẹru Isẹri Jihova nọ a be jọ rẹrote iruo usi uwoma ota rai evaọ akpọ na soso.

Inọmba nọ Whọ rẹ Sai Se: Office of Public Information, +1-845-524-3000