JW LIBRARY
Jọ Ebaibol hayo Ebe Ru Ekiakiẹ
Oka gwọlọ nọ o rrọ JW Library na, whọ sae rehọ iẹe gwọlọ ẹme hayo uhie ẹme evaọ oria Ebaibol nọ who bi se.
Lele ekpọvio nana re whọ sai:
Jọ Ebaibol ru Ekiakiẹ
Whọ sae gwọlọ ẹme hayo uhie ẹme evaọ Ebaibol nọ who bi se na.
Evaọ oria nọ edẹ ebe Ebaibol e rrọ na, dhobọte oka Gwọlọ na, who ve mu ẹme na họ ekere. Nọ who bi kere ẹme na, eme itieye na e te lahwe. Dhobọte ẹme jọ hayo nẹ oka Rovie na re ọ rọ ẹme na ze.
Awọ nọ A rẹ Mae Fodẹ eye e rẹ mae kake lahwe evaọ ẹme nọ whọ be gwọlọ. Awọ Kpobi nọ e lahwe, i re muhọ no obe emuhọ Ebaibol na ze. Whọ tẹ nẹ Izoẹme o ve dhesẹ ọkpọ izoẹme nọ e rrọ eme emuhọ Ebaibol na gbe eme ofiba.
Who te kere eme buobu, dhobọte oria Onọ U Kiehọ Uhie Ẹme na re i dhesẹ eme yena ọvo lahwe.
Jọ Ebe ru Ekiakiẹ
Whọ sae gwọlọ ẹme hayo uhie ẹme evaọ obe nọ who bi se. Whọ tẹ nẹ obe jọ, dhobọte oka Gwọlọ, re who kere ẹme nọ whọ be gwọlọ fihọ iẹe. Nọ who bi kere ẹme na, eme itieye na e te lahwe. Dhobọte ẹme na hayo nẹ oka Rovie na re ọ rọ ẹme na ze.
Who te kere eme buobu, dhobọte oria Onọ U Kiehọ Uhie Ẹme na re i dhesẹ eme yena ọvo lahwe.
Gwọlọ Uzoẹme
Otẹrọnọ whọ danlodu obe Insight on the Scriptures na no, whọ sae gwọlọ uzoẹme jọ evaọ obe na. Whọ sai ru onana evaọ oke kpobi nọ who te bi se Ebaibol hayo obe ofa kpobi.
Dhobọte oka Gwọlọ na; who ve mu ẹme na họ ekere. Nọ who bi kere ẹme na, izoeme itieye nọ e rrọ Insight on the Scriptures na e rẹ lahwe. Dhobọte uzoẹme jọ re o rovie k’owhẹ.
A siobọno inwene nana evaọ Akpe 2014 kugbe JW Library 1.3.4, onọ o rẹ sae rueva Android 2.3. Whọ gbẹ re ruẹ eware nana ha, lele ekpọvio nọ e rrọ “Rehọ JW Library Ruiruo,” onọ o rrọ otọ Inwene Ekpokpọ.
