Ma yere owhẹ nọ whọ rọ gwọlọ niyẹrẹ kpahe iruo Isẹri Jihova. Ma kere obe otofa eme nana re o fiobọhọ kẹ owhẹ riẹ eme jọ nọ ma rẹ ta gbe otofa rai. Otẹrọnọ who wo onọ kpahe ẹme jọ hayo oware jọ nọ ma kere fihọ obe nana ha, ivie whọ sae nọ mi uwou ogha Isẹri Jihova.

Awake! Emagazini nọ Isẹri Jihova a be hai kere nọ a rẹ rọ kẹ ahwo. Ukpe 1919 a ro kere ọrọ ọsosuọ, yọ odẹ nọ a je se ei evaọ oke yena họ The Golden Age, kẹsena evaọ 1937, a te nwene odẹ na kpohọ Consolation. Uwhremu na, a te je nwene odẹ na kpohọ Awake! evaọ uvitha ọsosuọ Aria 22, 1946. Oware nọ a ro nwene odẹ na kpohọ Awake! họ, re ahwo nọ a bi sei a riẹ nọ eware nọ e be via evaọ oke mai na, i dhesẹ nọ edẹ urere na ma rrọ na.

brọda hayo oniọvo-ọmọzae. Ọmọzae hayo ọzae nọ ọ rrọ Osẹri Jihova nọ ọ họ-ame no. Ma re kere ubiẹme ọsosuọ na kpoko nọ ma tẹ be rehọ ẹme na dhesẹ ọmọzae hayo ọzae nọ ọ rrọ Osẹri Jihova (wọhọ oriruo, Brọda Smith). Orọnikọ yọ odẹ nọ a re ro bru ọghọ họ ohwo oma ha. Epọvo na ma re ru nọ ma tẹ be ta ẹme kpahe ọmọtẹ hayo aye nọ ọ rrọ Osẹri Jihova (wọhọ oriruo, Sista Smith).

Ebẹtẹle, Inievo nọ E Rrọ Ebẹtẹle, Uviuwou Ebẹtẹle. “Ebẹtẹle” yọ ẹme Hibru nọ otofa riẹ o rrọ, “Uwou Ọghẹnẹ.” Nọ odẹ nọ a re ro se iwou nọ Isẹri a be jọ fa ebe je ru eware efa nọ i wobọ kugbe egagọ rai evaọ erẹwho gbe ekwotọ sa-sa. Isẹri Jihova nọ e be rọ oke rai kpobi ru iruo Ọghẹnẹ evaọ eria nana, a re se ae “Inievo nọ E Rrọ Ebẹtẹle.” A rẹ hwae osa ha. A re se ae “Uviuwou Ebẹtẹle,” keme wọhọ uviuwou, a be rria kugbe, ru iruo kugbe jẹ gọ Jihova kugbe evaọ eria nana. Orọnikọ a bi se ae “Inievo nọ E Rrọ Ebẹtẹle” re a ro bru ọghọ họ ae oma ha.

Efafa Akpọ Ọkpokpọ ọrọ Ikereakere Efuafo Na. Nọ odẹ nọ a re se Ikereakere Hibru (“Ọvọ Anwae”) avọ Ikereakere Griki (“Ọvọ Ọkpokpọ”) nọ Isẹri Jihova a fa je siobọno. A rẹ sai je se ei Efafa Akpọ Ọkpokpọ.

Ekareghẹhọ uwhu Jesu. Nọ ẹdẹ nọ Isẹri Jihova a rẹ kareghẹhọ uwhu Jesu ẹsiẹvo ẹgbukpe. A a re je se ei Emu Owọwọ Olori na, Emu Owọwọ, hayo Ekareghẹhọ. Ekareghẹhọ uwhu Jesu na họ oware nọ o mai wuzou kẹ Isẹri Jihova evaọ ẹgbukpe na soso, yọ oye họ oware ovo nọ Jesu ọ ta kẹ ilele riẹ nọ a ru rọ kareghẹhọ uwhu riẹ.—Luk 22:19, 20.

Ewuhrẹ Ẹgbede. Ewuhrẹ nọ Isẹri Jihova a re ru koka koka evaọ urere oka, nọ a rẹ jọ rọ iminiti ọgba kẹ ovuẹ Ebaibol. Nọ a tẹ kẹ ovuẹ Ebaibol na no, a ve ru Ewuhrẹ Uwou-Eroro Na nọ a rẹ jọ nọ enọ jẹ kẹ iyo evaọ auwa ọvo. A rẹ jọ uvitha uwuhrẹ Uwou-Eroro Na ta kpahe uzoẹme jọ nọ a rehọ no Ebaibol na ze. Wọhọ iwuhrẹ Isẹri Jihova efa, ohwo kpobi ọ sai kpohọ ewuhrẹ nana hayo rọ ifonu thuru kugbe ewuhrẹ na, a re mi ohwo ugho ho.

ewuhrẹ udevie oka. Nọ ewuhrẹ Isẹri Jihova nọ a re kpohọ koka koka evaọ udevie oka. A re se ei Ewuhrẹ Uzuazọ Oleleikristi gbe Usi Uwoma Ota Mai, yọ o wo abasa. Ewuhrẹ nana o re fiobọhọ kẹ Isẹri Jihova riẹ epanọ a rẹ ta usi uwoma je wuhrẹ ahwo Ebaibol na ziezi. Wọhọ iwuhrẹ Isẹri Jihova efa, ohwo kpobi ọ sai kpohọ ewuhrẹ nana hayo rọ ifonu thuru kugbe ewuhrẹ na, Isẹri Jihova a re mi ohwo ugho ho.

Giliad, Isukulu Giliad. Nọ odẹ isukulu Isẹri Jihova jọ nọ a re se Watchtower Bible School of Gilead, nọ a muhọ evaọ 1943. A jẹ hae jọ isukulu na wuhrẹ Isẹri Jihova kẹ iruo imishọnare. Enẹna a be jariẹ wuhrẹ Isẹri Jihova nọ a zizie kpohọ isukulu na Ebaibol na evaọ emerae isoi. Enẹ ma re kere “isukulu” nọ a gbe kere iei kugbe Giliad he.

Imishọnare. Osẹri Jihova nọ ọ họ-ame no nọ Utu Ẹruorote Iruẹru Isẹri Jihova o re vi kpohọ eria sa-sa evaọ akpọ na. Imishọnare a re no orẹwho rai jẹ tubẹ kwa kpohọ erẹwho efa nyae ta usi uwoma Uvie na.—Matiu 24:14.

inievo mai. Ma rẹ rọ ẹme nana dhesẹ Isẹri Jihova kpobi nọ e rrọ akpọ na soso (te ezae te eyae).—1 Pita 5:9.

 Isẹri Jihova. Utu Ileleikristi nọ a be gọ Jihova ọvo jẹ rọ oghẹrẹ sa-sa wuhrẹ ahwo Ebaibol na. Oware nọ o mae wuzou kẹ Isẹri Jihova nọ a te bi wuhrẹ ahwo Ebaibol na họ, epanọ a rẹ rọ ta usi uwoma kpahe Uvie Ọghẹnẹ hayo egọmeti riẹ. (Matiu 24:14) Ahwo a rẹ rọ odẹ na vuhu ae inọ a wo ohẹriẹ no egagọ efa kpobi, keme odẹ na o ta kpahe Ọghẹnẹ nọ a be gọ gbe isẹri nọ a bi se kpahe odẹ riẹ. Taure ohwo o te ti zihe ruọ Osẹri Jihova, o re wo otoriẹ oware nọ Ebaibol na ọ ta, o re kuomagbe Isẹri Jihova ta usi uwoma, ọ vẹ jẹ họ-ame ro dhesẹ nọ ọ rọ uzuazọ riẹ mudhe kẹ Jihova no. Nọ ohwo o te bi kere kpahe Isẹri Jihova, orọ ọsosuọ nọ ọ te rọ fodẹ odẹ na, o re kere odẹ na kpobi, “Isẹri Jihova.” Yọ oghẹrẹ ọfa nọ a sae ro kere odẹ na evaọ Oyibo họ, “the Witnesses.” Nọ whọ tẹ be rọ odẹ na dhesẹ ohwo, whọ sae ta nọ, “Osẹri Jihova.”—Aizaya 43:10.

Jesu Kristi. Ọmọ ọvo Ọghẹnẹ. (Jọn 3:16) Isẹri Jihova a rehọ Jesu Kristi fihọ ọnọ ọ wuzou rai, fikiere a be daoma rọ aro kele oriruo riẹ je ru oware nọ ọ ta evaọ Ebaibol na. Isẹri Jihova a tẹ jẹ rehọ Jesu fihọ ọzae nọ ọ mae rro nọ ọ rria otọakpọ na no, Osẹri Jihova nọ ọ mai wuzou, gbe ọnọ Ọghẹnẹ o ti ro ru ẹjiroro riẹ gba je siwi ahwo-akpọ.—Aizaya 9:6, 7; Eviavia 1:5.

Jihova. Nọ odẹ Ọghẹnẹ Erumeru na, ọnọ Ebaibol na o dhesẹ nọ ọ ma eware kpobi. (Olezi 83:18) Orọnikọ “Jihova” yọ odẹ nọ a re ro se hayo dhesẹ ohwo nọ ọ rrọ Osẹri Jihova ha (wọhọ oriruo, ohwo yena yọ “Jihova”).

odibo oruiruo. Ọmọzae hayo ọzae nọ ọ rrọ Osẹri Jihova, ọnọ o kruga ziezi nọ a ro mu re o fiobọhọ kẹ ekpako na rẹrote iruo ukoko na. Re a sae rọ ohwo mu odibo oruiruo, o re ru eware nọ Ebaibol na ọ fodẹ evaọ obe 1 Timoti 3:8-10, 12, 13 gbe Taitọs 2:6-8. Idibo iruiruo a re ru iruo nọ i wuzou gaga evaọ ukoko na re eware e sae riẹ nya ziezi. A rẹ hwa odibo oruiruo osa ha, yọ a rrọ wọhọ ahwo nọ a rehọ iruo evaọ ikoko sa-sa nọ a rrọ họ, hayo rọkẹ ukoko Isẹri Jihova. Idibo iruiruo buobu a wo iruo obọrai nọ a bi ru re a sae rẹrote omarai gbe ahwo uviuwou rai. Nọ oke o be nya na, a rẹ rọ idibo iruiruo jọ mu ekpako. Orọnikọ “odibo oruiruo” yọ odẹ nọ a re ro bru ọghọ họ ohwo oma ha.

Ogbẹgwae Uwou Ogha. Orẹwho kpobi nọ uwou ogha o rrọ, a rẹ rọ ekpako ukoko esa hayo bu viere ro mu nọ e rẹ jọ Ogbẹgwae Uwou Ogha, enọ e rẹ rẹrote iruo Isẹri Jihova evaọ orẹwho na hayo erẹwho efa nọ e rrọ otọ uwou ogha na.

Ọgwa Okokohọ Isẹri Jihova. Ọgwa ologbo nọ Isẹri Jihova a bọ rọkẹ egagọ, yọ ikoko buobu nọ e rrọ oria na i re kokohọ etẹe jọ wuhrẹ ẹme Ọghẹnẹ noke toke. A re se oria na “Ọgwa Okokohọ.”

Ọgwa Uvie Isẹri Jihova. Oria nọ ukoko Isẹri Jihova ọvuọvo hayo bu viere i re kokohọ jọ gọ Ọghẹnẹ. Ẹsibuobu a re se oria na “Ọgwa Uvie.” Ivie ma gwọlọ nọ who se ei “ichọche” he.

ọkobaro. Nọ odẹ nọ a re se Osẹri Jihova nọ ọ họ-ame no, nọ ọ rẹ rọ unu euwa jọ ta usi uwoma kamara kamara. Ẹsibuobu, a rẹ rehọ odẹ na se “ọkobaro oke-kpobi,” ọnọ ọ rẹ rehọ euwa egba ezeza (600) ta usi uwoma kukpe kukpe (euwa udhuvẹ-gbikpe kamara kamara). Ẹsejọ, a rẹ rehọ odẹ na se “ọkobaro obufihọ,” ọnọ ọ rẹ rehọ euwa ikpegbisoi hayo ọgba ta usi uwoma evaọ amara ọvo, hayo evaọ emerae buobu. A rẹ hwa ekobaro osa rọkẹ usi uwoma nọ a be ta ha, yọ a rrọ wọhọ ahwo nọ a rehọ iruo evaọ ikoko sa-sa nọ a rrọ họ, hayo rọkẹ ukoko Isẹri Jihova. Ekobaro buobu a wo iruo obọrai nọ a bi ru re a sae rẹrote omarai. Orọnikọ “ọkobaro” yọ odẹ nọ a re ro bru ọghọ họ ohwo oma ha.

okogho. Ma rẹ rọ ẹme nana dhesẹ ikoko Isẹri Jihova nọ e rrọ ẹkwotọ hayo ubrotọ.

 okokohọ akpọ-soso. Okokohọ Isẹri Jihova nọ a re ru edẹ esa nọ a rẹ jọ wuhrẹ ahwo Ebaibol na, yọ a re ru ei ẹsiẹvo evaọ imikpe jọ evaọ ikpewho nọ a salọ evaọ akpọ na soso. A re zizie Isẹri Jihova no erẹwho sa-sa ziọ okokohọ nana. Ohwo kpobi ọ rẹ sai kpohọ okokohọ nana, keme a rẹ jarai tuduhọ ahwo awọ re a si kẹle Ọghẹnẹ. Yọ okokohọ nana o re je fiobọhọ kẹ ahwo kpobi ruẹ okugbe nọ o rrọ udevie Isẹri Jihova evaọ akpọ na soso. Eria nọ a haya a rẹ mae jọ ru okokohọ akpọ-soso, yọ Edisoi-Oka rite Ẹdoka a re ru ei. Ohwo kpobi ọ sai kpohọ okokohọ na, a re mi ohwo ugho ho.

 okokohọ okogho. Nọ ẹdẹ nọ ikoko Isẹri Jihova buobu a re kokohọ re a gaviezọ kẹ ẹme Ọghẹnẹ, yọ isiava evaọ ẹgbukpe a re ru ei. Ohwo kpobi ọ sae nyaziọ okokohọ nana keme eware nọ a re wuhrẹ i re fiobọhọ kẹ ohwo si kẹle Ọghẹnẹ. A rẹ jọ okokohọ na fiobọhọ kẹ ekpako gbe emaha riẹ epanọ a sai ro wo erere no oware nọ Ebaibol na ọ ta ze. A rẹ jarai ru edrama eware nọ e be via kẹdẹ kẹdẹ, re a fiobọhọ kẹ enọ i kpohọ okokohọ na riẹ epanọ a sai ro ru oware nọ Ebaibol na ọ ta. Ẹsibuobu, Egwa Ikokohọ Isẹri Jihova a rẹ jọ ru okokohọ okogho. A rẹ sai je ru okokohọ okogho evaọ oria nọ a haya, hayo thuru kugbe ohwohwo evaọ itanẹte. Ẹdẹ nọ a re ru okokohọ okogho ọ rẹ mai kie fihọ urere oka. Ohwo kpobi ọ sai kpohọ okokohọ na, a re mi ohwo ugho ho.

 okokohọ ologbo. Nọ okokohọ edẹ esa nọ ikoko buobu nọ e rrọ oria a re kokohọ ru, re a wuhrẹ epanọ a sai ro si kẹle Ọghẹnẹ. Ohwo kpobi ọ sai kpohọ okokohọ na. A rẹ jọ okokohọ na ta kpahe eware nọ e rẹ sai fiobọhọ kẹ ekpako gbe emaha riẹ epanọ a sai ro wo erere no ehrẹ Ebaibol ze. A re ru edrama eware nọ e be via kẹdẹ kẹdẹ gbe eware nọ a gbiku rai evaọ Ebaibol na, re ahwo nọ a kpohọ okokohọ na a sae riẹ epanọ a sai ro fi ehrẹ Ebaibol họ iruo. Ẹsibuobu a re ru okokohọ ologbo evaọ eria nọ a haya wọhọ afe-arozaha, istediọmo, gbe egwa ilogbo. A rẹ sai je ru ikokohọ ilogbo nọ e rro tere he evaọ Egwa Ikokohọ Isẹri Jihova nọ e kẹle eria yena. Ẹsibuobu, a re ru okokohọ ologbo no Edisoi-Oka rite Ẹdoka. Evaọ imikpe jọ ze na, a be hae rekọdo eware nọ a ru evaọ ikokohọ ilogbo fihọ itanẹte. Wọhọ iwuhrẹ Isẹri Jihova efa, ohwo kpobi ọ sai kpohọ okokohọ ologbo, a re mi ohwo ugho ho.

okokohọ ubrotọ. Rri:  okokohọ akpọ-soso gbe  okokohọ ologbo.

okokohọ. Rri:  okokohọ okogho.

ọkpako. Ọmọzae hayo ọzae nọ ọ rrọ Osẹri Jihova nọ o kru ga ziezi, nọ a ro mu re ọ hai wuhrẹ ahwo Ebaibol na je fiobọhọ kẹ ae re a kru ga ziezi evaọ egagọ Ọghẹnẹ. Ọkpako ọ rẹ daoma ruẹ nọ o ru eware nọ Ebaibol na ọ ta evaọ obe 1 Timoti 3:1-7; Taitọs 1:5-9; Jemis 3:17, 18; gbe 1 Pita 5:2. A rẹ hwa ekpako ukoko osa ha, yọ orọnikọ a rọ wọhọ ahwo nọ a bi ru iruo kẹ ikoko nọ a rrọ hayo rọkẹ ukoko Isẹri Jihova ha. Enwenọ ọkpako kpobi o wo okọ hayo iruo obọriẹ nọ o bi ru re ọ sae rẹrote omariẹ hayo uviuwou riẹ. Evaọ ukoko Isẹri Jihova, te ekpako te enọ e rrọ ekpako ho, epọvo na. Ohwo ọvo o wo ọkwa hayo wuzou vi ohwo ọvo ho. A rẹ rọ odẹ nana bru ọghọ họ ohwo oma ha.

ọsẹro okogho. Ọkpako nọ o wo onaa ziezi nọ uwou ogha o re vi (avọ aye riẹ, otẹrọnọ ọ rọo no) kpohọ ikoko kpobi nọ e rrọ okogho, isiava evaọ ẹgbukpe. Ọ rẹ tuduhọ inievo nọ e rrọ ukoko ọvuọvo awọ, je fiobọhọ kẹ ekpako gbe idibo iruiruo nọ e rrọ ukoko yena re a riẹ eware jọ nọ u fo nọ a re ru. Ọsẹro okogho na ọ rẹ nabe ruẹrẹ izoẹme jọ họ evaọ Ebaibol na nọ o re ro wuhrẹ inievo nọ e rrọ ukoko ọvuọvo. Orọnikọ a rẹ rọ odẹ nana bru ọghọ họ ohwo oma ha.

owhowho-uvie. Ohwo nọ ọ rrọ ukoko Isẹri Jihova nọ ọ rẹ ta usi uwoma kẹ ahwo. Taure ohwo o te ti te owhowho-uvie, o re wo otoriẹ Ebaibol na, rọwo eware nọ Ebaibol na ọ ta, je koko izi Ọghẹnẹ evaọ uzuazọ riẹ. A rẹ hwa iwhowho-uvie osa rọkẹ usi uwoma nọ a be ta ha, yọ a rrọ wọhọ ahwo nọ a rehọ iruo evaọ ikoko sa-sa nọ a rrọ họ, hayo rọkẹ ukoko Isẹri Jihova. Orọnikọ owhowho-uvie yọ odẹ nọ a re ro bru ọghọ họ ohwo oma ha.

sista hayo oniọvo-ọmọtẹ. Ọmọtẹ hayo aye nọ ọ họ-ame no evaọ ukoko Isẹri Jihova. Ma re kere ubiẹme ọsosuọ na kpoko nọ ma tẹ be rehọ ẹme na dhesẹ ọmọtẹ hayo aye nọ ọ rrọ Osẹri Jihova (wọhọ oriruo, Sista Smith). Orọnikọ a rẹ rọ ẹme nana bru ọghọ họ ohwo oma ha. Epọvo na ma re ru nọ ma tẹ be ta ẹme kpahe ọmọzae hayo ọzae nọ ọ rrọ Osẹri Jihova (wọhọ oriruo, Brọda Smith).

ukoko. Isẹri Jihova nọ i re kokohọ re a gọ Jihova kugbe koka koka. A rẹ rọ ekpako nọ i te ibro ro mu, enọ i re wuhrẹ ae Ebaibol na jẹ tuduhọ ae awọ, a vẹ jẹ daoma tuduhọ omomọvo awọ re a sai kru ga evaọ egagọ Jihova. Ohwo kpobi ọ rẹ sai kpohọ iwuhrẹ ukoko, a re mi ohwo ugho ho.

 usi uwoma ota. Nọ ẹme Ọghẹnẹ nọ Isẹri Jihova a rẹ ta kẹ ahwo, wọhọ epanọ Jesu o juzi kẹ ilele riẹ inọ a ta “usi uwoma Uvie” na kẹ ahwo “evaọ akpọ na soso re o jọ isẹri kẹ erẹwho na kpobi.”—Matiu 24:14; 28:19.

usi uwoma. Rri:  usi uwoma ota.

Utu Ẹruorote Iruẹru Isẹri Jihova. Utu ekpako nọ a ro mu re a rẹrote je fiobọhọ kẹ Isẹri Jihova kpobi evaọ akpọ na soso kru ga evaọ egagọ Jihova. Ẹsibuobu ma re se ei “Utu Ẹruorote.” Utu Ẹruorote na oye o re kere ebe no Ebaibol ze rọkẹ ukoko Isẹri Jihova soso. Dede nọ utu na o rẹ kobaro evaọ ukoko Isẹri Jihova evaọ akpọ na soso, Utu Ẹruorote na o riẹ nọ Jesu Kristi họ ọnọ o wuzou ukoko Isẹri Jihova. Enọ e rrọ Utu Ẹruorote na a bi ru iruo evaọ eria nọ u wuzou iruo Isẹri Jihova nọ a re se World Headquarters of Jehovah’s Witnesses evaọ Warwick, New York, U.S.A.

uwou ogha. Oria nọ Ogbẹgwae Uwou Ogha a rẹ jọ rẹrote iruo usi uwoma ota Isẹri Jihova evaọ orẹwho ọvo hayo bu viere.

Uwou-Eroro Na Nọ U Bi Whowho Uvie Jihova. Nọ odẹ emagazini nọ Isẹri Jihova a be hai kere je siobọno. A re je se ei Uwou-Eroro Na. A mu odẹ nana kẹ emagazini na keme a be hai kere iei re o fiobọhọ kẹ ahwo riẹ epanọ Ọghẹnẹ o bi ro ru eware nọ ọ ta evaọ Ebaibol na gba. (Matiu 24:42) Uwou-Eroro Na jọ yọ ọrọ ẹgbede. A rẹ rehọ iẹe kẹ ahwo nọ a gwọlọ sei ọvọvẹ. Ọfa kọ Uwou-Eroro uwuhrẹ, yọ a rẹ rehọ iẹe ru ewuhrẹ nọ a rẹ jọ nọ enọ jẹ kẹ iyo evaọ ikoko Isẹri Jihova nọ e rrọ akpọ na soso koka koka. Anwọ 1879 ze Isẹri Jihova a be hai ro kere Uwou-Eroro Na kamara kamara, yọ emagazini nana a be mai printi bu kamara kamara evaọ akpọ na soso.

Muẹrohọ: Nọ whọ tẹ be niyẹrẹ kpahe Isẹri Jihova, ivie kere odẹ na soso evaọ orọ ọsosuọ nọ whọ te rọ kake fodẹ odẹ na. Whọ tẹ gwọlọ gbẹ riẹ kpahe ẹme nana, rri:  Isẹri Jihova