MAJAN 6
¿Tzet kuybʼanilehal chakan haʼ Niman Nhabʼ?
Komam Dios xtanhtzeloj yaʼ anma mach yijyomoj, skolni yaʼ yaʼ Noé bʼoj yet yaman nhahil (2 Pedro 2:5, 6)
Yulbʼal 40 tzʼayik bʼoj aqʼbʼal maxhtikʼa sbʼejkanoj yaʼni haʼ nhabʼ. Xnohtoj haʼ haʼ sat txʼotxʼ txʼotxʼ sunil anma txʼoj xkami.
Hebʼ naj ángeles mach yijyomoj xakan hebʼ naj snimanil chibʼe bʼoj bʼaj; xʼokkanoj hebʼ naj yetbʼihoj naj Matzwalil. Tinanh demonio hebʼ naj.
Hanhkʼanhe anma ayiktoj yul teʼ arka xkolchayi. Xʼekʼtoj txʼihal tzʼayik, yaʼ Noé bʼoj yet yaman nhahil xkamtoj. Yajaʼ Komam Dios smeltzoʼ yaʼ sqʼinal hebʼ yaʼ hunekxa kat yehojkʼoj hebʼ yaʼ sunilbʼal qʼinal.
Kawilxa yetij bʼay stanhtzeʼloj Komam Dios anma txʼoj kat skolnoj yaʼ anma kʼul (Mateo 24:37-39)
Naj Matzwalil bʼoj hebʼ naj demonio aytokoj hebʼ naj yiptzen anma yunhe mach chabʼetoj tzet chal yaʼ Jehová.
Hakaʼtikʼa yet xʼehikʼoj yaʼ Noé, tinanh kaw txʼihal anma mach choche syijyeʼ tzet chal yaʼ Jehová. Kawilxa yetij bʼay stanhtzeʼloj yaʼ sunil anma txʼoj (Lucas 17:26, 27).
Yajaʼ ay anma hakaʼ yaʼ Noé syijye tzet chal Komam Dios. Haʼ hebʼ yaʼ testigo de Jehová.
Puede que también le interese
HEJ TEʼ LIBRO BʼOJ HEJ TEʼ FOLLETO
¿Mak yul sqʼabʼ aykoj txʼotxʼ txʼotxʼ tinanh?
Xhkʼayoj hakʼul hawotajnhen spaj chaʼ teʼ Biblia. Ila tzet choche yalaʼ ta wet tinanh bʼoj yinh tzet xhtit ta sataj.
