MAJAN 7
¿Mak yaʼ Jesús?
Yaʼ Jehová xʼanitij yaʼ Jesús sat txʼotxʼ txʼotxʼ (1 Juan 4:9)
Yalanhtokantoj maxhto xhwatxʼelax yaʼ Adán, yaʼ Jehová xwatxʼe yaʼ yul satkanh huneʼ yaʼ ángel kaw aykanoj yip. Chochepax yaʼ ta xhjabʼetoj tzet chal huneʼ yaʼ tiʼ yuh kaw ay yelapnojal yeh yaʼ.
Xʼekʼtoj habʼil, xanitij Komam Dios yaʼ ángel tuʼ sat txʼotxʼ txʼotxʼ. Xpitzkʼa hakaʼ huneʼ niʼan tzʼul bʼet Belén yinh huneʼ yaʼ ix maxhto hunuj yaʼ winaj chʼekʼ yinh. Sbʼih yaʼ María, niʼan stzʼul yaʼ Jesús (Juan 6:38).
Yet xʼehikʼoj yaʼ Jesús sat txʼotxʼ txʼotxʼ, syeltoj yaʼ ta kaw kʼul bʼoj kʼulchʼan skʼul yaʼ hakaʼ yaʼ Jehová. Yuxin, anma choche ehoj skʼatanh yaʼ. Mach xiwpax yaʼ yalni syelal yibʼanhiloj Komam Dios.
Yaʼ Jesús yuh yaʼ tzetet skʼulal, yajaʼ kaw ay anma xakoj showal yinh yaʼ (1 Pedro 2:21-23)
Yanhte yaʼ maktaj txʼoj yeyi bʼoj ay mak xpitzkʼapaxkanh yaʼ.
Aykoj showal hebʼ yaʼ ijbʼalom yinh yet Komam Dios yinh yaʼ Jesús yuh chal yaʼ ta leqʼtiʼal sye hebʼ yaʼ bʼoj ta chuh hebʼ yaʼ xtxʼojal.
Hebʼ yaʼ ijbʼalom yinh yet Komam Dios xiptze hebʼ yaʼ hebʼ naj romano yuh smaqʼni bʼoj spotxʼnitoj yaʼ Jesús.
