¿Tzet xhkolwahoj yunhe ay tzalalal yul jatut?
¿Chawalaʼ ta...
-
... jochen kobʼa?
-
... chʼen melyuh?
-
... hunujxa tzetet?
JILAʼ TZET YALNI TEʼ BIBLIA
«Saqʼalto yet maktaj chʼabʼen stzotiʼ Komam Dios kat syijyeni.» (Lucas 11:28, Teʼ Nuevo Testamento Yin̈ Abʼxubʼal, akʼnhebʼil tzʼibʼ.)
TZET SKʼULAL CHAKANOJ JET JOTAJNHENI
Xhjocheʼ kobʼa yinh kaw kʼul (Efesios 5:28, 29).
Xahan chijilaʼ kobʼa (Efesios 5:33).
Aqʼankʼulal jabʼenoj kobʼa (Marcos 10:6-9).
¿CHUH JAʼNI YULUJ KOKʼUL YINH TZET CHAL TEʼ BIBLIA?
Hoʼ. Jilaʼ kabʼoj tzetet chʼaʼni jahaʼ yuluj kokʼul:
-
Komam Dios xwatxʼen familia. Teʼ Biblia chal teʼ ta Komam Smamehal ye yinh sunil hej mame miʼe (Efesios 3:14, 15). Choche yalaʼ chaltuʼ ta hayaʼ Jehová xwatxʼen familia. ¿Tzet yuh yilal kotxumni huneʼ tiʼ?
Tojabʼkʼanabʼ hanabʼal yinh huneʼ tiʼ la: Ta ayachkoj haloni huneʼ itah kaw xuqʼ, yajaʼ chawoche hawotajnheʼ tzettaj yanhal ayaytoj, ¿mak tet chaqʼambeʼ? ¡Tet yaʼ xwatxʼeni! ¿Yeli?
Hakpax tuʼ, ta chawoche hawotajnheʼ tzet chʼaʼnoj tzalalal tet hafamilia, haʼ tzet wal hawuni haqʼambʼen tet yaʼ Jehová, yuh hayaʼ xwatxʼen familia (Génesis 2:18-24).
-
Ayonhkoj yinh skʼul Komam Dios. Hach bʼoj hafamilia chiʼaʼti skʼulal teyet hesayni yinh teʼ Biblia kuybʼanile chaʼ yaʼ Jehová, ¿tzet yuh? «Haxka chonh yakoj Komam yinh skʼul» (1 Pedro 5:6, 7). Komam Jehová choche yaʼ skʼulchʼanil jet yuxin kuybʼanile chaʼ yaʼ masan chʼoknikoj (Proverbios 3:5, 6; Isaías 48:17, 18).
QʼAMBʼE TA WET
¿Tzet walwuni han yunhe kʼul hin ichamilehal han, ixalehal maka mamehal?
Xhchalohoj spaj chaʼ teʼ Biblia yinh EFESIOS 5:1, 2 bʼoj COLOSENSES 3:18-21.
Puede que también le interese
CAMPAÑA ESPECIAL
Video: ¿Tzet yuxin yilal kokuyni teʼ Biblia?
Teʼ Biblia kaw txʼihalxa anma chikolwakoj teʼ yinh sunil sat txʼotxʼ txʼotxʼ chaʼ teʼ spaj sqʼambʼebʼal chʼekʼtoj yinh sqʼinal. ¿Chawoche xhchaloh spaj hawet?
JIBʼANHILOJ HAN
Chuh haqʼanni ta ay mak chʼapni ta kʼatanh
Chuh heyilni spaj hunuj qʼambʼebʼal yinh teʼ Biblia mato kam hawotajnhen hebʼ yaʼ testigo de Jehová.
