Laad Sopa
Satde, Iepril 12, 2025
Evri ier wi kip wan speshal miitn fi shuo se wi memba wa Jiizas did du wen im kom ded fi wi. Wi du dis kaaz Jiizas did tel im falara dem se: “Unu fi du dis fi memba mi.”—Luuk 22:19.
Wi wel waahn yu fi kom a da speshal miitn ya.
Som Kwestiyan We Piipl Aalwiez A Aks
A ou lang it a-go tek fi don?
A onggl bout wan owa it a-go kip fa.
A wich paat it a-go kip?
Taak tu wan a di Jeuova Witnis dem fi fain out.
Yu afi pie moni fi kom?
Nuo.
Dem a-go tek op kalekshan?
Nuo.
A wa kain-a kluoz yu fi wier?
Yu no afi wier no fansi kluoz ar notn we tuu dier. An wi naa se ef yu no wier sortn an sortn tingz yu kyaahn kom niida. Bot wen di Jeuova Witnis dem a mek op dem main bout wa fi wier, dem chrai fi du wa di Baibl se an wier tingz we shuo se dem av nof rispek fi Gad.—1 Timoti 2:9.
Wa a-go gwaan a di Laad Sopa?
Fi staat di miitn, dem gweehn sing wan sang an wan a di breda dem a-go se wan prieya. Den wan breda a-go gi wan taak. Im a-go shuo wi wa mek Jiizas did afi kom ded fi wi an di gud sitn dem we kyan gwaan fi wi kaaz a wa Gad an Krais Jiizas did du. Wen di miitn fi don, dem gweehn sing wan sang an wan neda breda gweehn se di laas prieya.
Ef yu waahn nuo muor bout dis, chek out da sitn ya we de pan di websait we niem “Wa Mek Wen Di Jeuova Witnis Dem Kip Di Laad Sopa, It Difrant Fram Ou Di Ada Choch Dem Kip It?”
A wen di ada Laad Sopa dem a-go kip?
2025: Satde, Iepril 12
2026: Torzde, Iepril 2
You May Also Like
DI LAAD SOPA
Shuo se Wi Memba se Jiizas Did Kom Ded fi Wi
Wi wel waahn yu fi kom a da speshal miitn ya. Yu wi lorn wa Jiizas laif an det av fi du wid yu.
ESSENTIAL BIBLE TEACHINGS
Wa Mek Jiizas Kom Ded Fi Wi?
Di Baibl shuo wi se a wan big big ting wen Jiizas did kom ded fi wi. Bot wa gud dat did du fi wi?