Lorn muo bout wi miitn dem. Yu kyan fain wan miitn we de nier we yu liv.

Tuu taim fi di wiik Jeuova Witnis kip miitn we dem worship Gad. (Iibruu 10:24, 25) Wen wi kip wi miitn dem, enibadi uu waahn fi kom kyan kom. Wi spen taim fi luk pan wa di Baibl tiich an ou wi kyan liv wi laif iina di wie it se wi fi liv.

Piipl kyan tek paat iina muos a wi miitn dem, kain-a laik ou dem wuda du iina wan klaas a skuul. Aal a di miitn dem staat an don wid sang an prieya.

Yu no niid fi bi wan Jeuova Witnis fi kom a wi miitn dem. Wi a invait evribadi fi kom. Yu no afi pie fi kom, an wi no tek op kalekshan.